Qazaqstan • 12 Shilde, 2020

Túrkııadaǵy qazaq dıasporasy qarajatyna satyp alynǵan medısınalyq jabdyqtar elge 14 shildede jetkizilýi múmkin

573 ret

kórsetildi

1 mın

oqý úshin

Áleýmettik jelilerde Túrkııadaǵy qazaq dıasporasy qarajatyna satyp alynǵan medısınalyq maqsattaǵy buıymdar men medısınalyq jabdyqtardyń eki aptadan astam ýaqyt ishinde Qazaqstanǵa jiberilmeı jatqandyǵy týraly aqparat shyndyqqa janaspaıdy. Sonymen qatar, Úkimet bul júkti Qazaqstanǵa jetkizýge kómek kórsetýdi ádeıi sozyp otyr degen aqparat negizsiz, dep habarlaıdy Egemen.kz SIM baspasóz qyzmetine silteme jasap.

Janbolat Kenjeǵul

Túrkııadaǵy qazaq dıasporasy qarajatyna satyp alynǵan medısınalyq jabdyqtar elge 14 shildede jetkizilýi múmkin

Osyǵan oraı, Qazaqstan Respýblıkasynyń Syrtqy ister mınıstrligi Ankara men Ystambul qalalarynan Túrkııa úkimetinen resmı gýmanıtarlyq kómekti, Túrik qazaqtary qaýymdastyǵy (KATEAD) men Qazaqstan azamattarynyń bastamashyl toby satyp alǵan júkti elimizge jetkizýdi pysyqtap jatqandyǵyn habarlaımyz.

Bul júkterdi jetkizýdiń jalpy úılestirý jumystaryn Qazaqstannyń Túrkııadaǵy Elshiligi júzege asyrady. Sondaı-aq, osy yntymaqtastyq týraly aqparatty KATEAD óz veb-saıtynda jarııalady.

Júkterdi avıakompanııamen Ankara-Almaty baǵyty boıynsha jetkizý aǵymdaǵy jyldyń 14 shildesine josparlanǵan.

Osy rette jalǵan nemese tekserilmegen aqparatty taratpaýdy suraımyz.