Elimizde jasy bar, jasamysy bar talaı azamatty indet jalmap aldy. Halqymyzdyń tarıhynda buryn da náýbetti jyldar bolǵan. Ol taýqymetten de súıretilip, zorǵa aman qaldyq. Endi myna indet betpe-bet kelip turǵan jaý emes. Bul – Sherhan Murtaza aıtqandaı, «myltyqsyz maıdan». Osy jolda Prezıdenttiń ózinen bastap kúresip jatyr. Ásirese dárigerlerdiń eńbegi óte zor. О́kinishke qaraı, aty jaman aýrý áli de órship tur. Jan-jaqtan kelgen qaraly habarlar jeldeı esýde. Buǵan júrek syzdap, qabyrǵamyz qaıysyp otyr. Degenmen, osyndaı synaq ýaqytta osaldyq tanytpaýymyz kerek. Bul kezeńde eń úlken batyrlyq – árkimniń óz jaýapkershiligi. Qatań sharalardy saqtap, úıde oqshaýlansaq, elimizge, ekonomıkamyzǵa kórsetilgen úlken kúsh bolmaq.
Temirhan MEDETBEK,
aqyn, Memlekettik syılyqtyń laýreaty
