Osy jıynda aıtylǵandaı, Memleket basshysynyń tapsyrmasyn oryndaý úshin Atyraý oblysynyń kadrlyq áleýetin nyǵaıtý maqsatynda óńirge 102 joǵary bilikti maman, Mańǵystaý oblysyna 56 maman jiberiletin boldy.
Elimizde bir ret qoldanylatyn úsh qabatty medısınalyq maskanyń bólshek saýdadaǵy shekti baǵasy 118 teńgeden 85 teńgege deıin, ıaǵnı 28%-ǵa arzandatyldy.
Otandyq óndiristiń kólemin eskere otyryp, búgingi kúni óńirlerde dene qyzýyn túsiretin jáne bakterııaǵa qarsy preparattardyń aılyq qory qalyptastyryldy. Elimizge dárilik zattardyń 3,5 mln oramasy jetkizildi, olar óńirlerge taratylady. Osy aptada qajetti qosymsha dárilik zattardy jetkizý uıymdastyrylady.
Belgilengen sanıtarlyq-epıdemııalyq normalardyń saqtalmaýyna baılanysty Densaýlyq saqtaý jáne Ishki ister mınıstrlikterine, óńirlerdiń ákimdikterine karantın rejiminiń anyqtalǵan buzýshylyqtaryn joıýǵa baǵyttalǵan barlyq sharalardy qabyldaı otyryp, mobıldi toptardyń jumysyn kúsheıtý tapsyryldy. Ol boıynsha jeke tulǵalarǵa – 30 AEK, zańdy tulǵalarǵa – 230 AEK kóleminde ákimshilik aıyppul salý kózdelgen.
Stasıonarlardaǵy pasıentterdi ottegimen qoldaýdy qamtamasyz etý maqsatynda óńirlerdiń ákimdikteri shuǵyl túrde 2600-den astam ottegi konsentraty men medısınalyq gazdardy satyp alýda.
«Elde barlyq qatań shekteý sharalary qabyldandy. Endi barlyq qoǵamdyq qozǵalystardyń áleýetin tarta otyryp, elimizdiń ár aýdanyndaǵy, aýyly men aýlasyndaǵy turǵyndarǵa karantın rejimin saqtaý qajettigi týraly aqparatty sapaly jetkizý qajet», dep túıindedi E.Toǵjanov.
