Qalada koronavırýsqa qarsy kúreske 2,5 myńnan astam medısına qyzmetkeri jumyldyrylǵan.
Búgin koronavırýsqa qarsy kúres kezinde otandyq dárigerlerdi qoldaý aıasynda jasotandyqtar "Alǵys paketterin" taratý aksııasyn uıymdastyrdy.
Árbir paketke dárigerlerge arnalǵan vıtamınder men paıdaly ónimderdiń onnan astam túri salynǵan. Aıta keterligi, ónimder dárigerlerdiń usynysy boıynsha salynǵan. Aksııa elimizdiń barlyq óńirlerinde jalǵasyn tabýda.
"Búgin biz, jasotandyqtar, bizdiń erjúrek dárigerlerimiz úshin aksııa uıymdastyrdyq. О́ıtkeni, olar búkil qoǵamdy ábigerge salǵan koronavırýs pandemııasymen kúndelikti kúresýde. Biz bul indetti birlesip jeńemiz dep senemin", – deıdi erikti Aıdarbek Baqdaýlet.
Búgin qalalyq ftızopýlmonologııa ortalyǵynyń, № 3 kópsalaly qalalyq balalar aýrýhanasynyń jáne "Ramada Plazada" ornalasqan dárigerlerge alǵys paketteri tabystaldy.
Jas Otan JQ 100-den astam eriktisi birneshe apta boıy óz otbasylarynan oqshaýlaýǵa májbúr bolǵan orta býyn medısına qyzmetkerleri úshin "Alǵys paketterin" taratýdy uıymdastyrýdy josparlap otyr.
Qazirgi ýaqytta Nur-Sultan qalasynda koronavırýsqa qarsy kúreske 2,5 myńnan astam medısına qyzmetkeri jumyldyrylǵan.
