Elordada masa men shybyn-shirkeılerge qarsy dezınfeksııa jumystary jalǵasýda. 15 shildede zııankesterge qarsy óńdeýdiń kezekti, tórtinshi kezeńi bastaldy. Qalalyq qorshaǵan ortany qorǵaý jáne tabıǵatty paıdalaný basqarmasy bastyǵynyń orynbasary Janar Beskempirova dezınfeksııa jumystary elordanyń barlyq tórt aýdanynda bir ýaqytta bastalǵanyn aıtty.
– 15 kúnniń ishinde jumys búkil qala boıynsha, onyń ishinde shet aımaqtarda da jalǵasady. О́ńdeý kezinde masalarǵa qarsy "Agran", shybyn-shirkeılerge qarsy "Faskon" sııaqty preparattar qoldanylady, – dep túsindirdi J.Beskempirova.
Jumys masalardyń únemi ósý-kóbeıý oryndarynda jáne elordanyń aınalasyndaǵy barlyq sý qoımalarynda, qorǵanys tosqaýylynda júrgiziletin bolady. Qalanyń kvartalishilik aýmaqtary men qoǵamdyq aýmaqtardy – kósheler, saıabaqtar men skverlerdi óńdeýge erekshe kóńil bólinedi. Jalpy osy jazda zııankestermen kúresýdiń bes kezeńi ótedi.
