"46 myńǵa jýyq medısına qyzmetkeri: medbıkeler, sanıtarlar, dárigerler ınfeksııalyq jáne provızorlyq stasıonarlarda birigip jumys isteıdi. Árıne, koronavırýs ınfeksııasyn juqtyrý kórsetkishiniń ósýine baılanysty reanımatologter nemese anastezıologter ǵana emes, ınfeksıonıster, pýlmonologter da jetispeıdi", dedi Tımýr Sultanǵazıev.
Onyń aıtýynsha, normatıvtik bazalarda dárigerlerdi qaıta daıarlaý ótkiziledi. Mysaly, kardıologterdi, ınfeksıonısterdi oqytý boıynsha júrgiziledi. Sondaı-aq kóp salaly dárigerler arnaıy tájirıbeden ótip, birden ınfeksıonıst retinde jumys isteı bastaýy úshin zańnamaǵa ózgerister men túzetýler engizilgenin atap ótti.
Baspasóz máslıhatynda spıker medısınalyq kolledjder men joǵary oqý oryndarynyń túlekterin provızorlyq jáne juqpaly aýrýlar stasıonarlarynda odan ári jumys isteý úshin daıarlaý jumystary qalaı júrgizilip jatqanyn habarlady.
"Medısınalyq JOO men kolledj túlekterinen bıyl 88 anestezıolog, 208 túlek - epıdemıolog daıarlanyp shyǵarylady. Sonymen qatar Densaýlyq saqtaý mınıstrliginiń qoldaýymen medısınalyq joǵary oqý oryndaryna anestezıolog, kardıolog mamandyqtary boıynsha stýdentterdi oqytýǵa 200 oryn bólindi. Sanıtar, epıdemıolog mamandaryn daıyndaý úshin bakalavr men magıstratýrada 360 oryn bólýdi josparlap otyrmyz", dep sózin túıindedi Tımýr Sultanǵazıev.
