Qazaqstan • 17 Shilde, 2020

Karantındik shekteýler kezeńinde shekaradan kimder óte alady?

146 ret kórsetildi

Qazaqstan Respýblıkasynyń Memlekettik shekarasynan 2020 jylǵy 11 mamyrdan bastap karantındik shekteýler kezeńindegi ótý tártibi týraly UQK Shekara qyzmeti habarlaıdy, dep jazady Egemen.kz

1. Qazaqstan Respýblıkasy azamattarynyń jáne sheteldikterdiń (azamattyǵy joq adamdardyń) Qazaqstan Respýblıkasynyń Memlekettik shekarasynan ótýine sanıtarlyq-epıdemııalyq jaǵdaı jaqsarǵanǵa deıin ýaqytsha shekteýler engiziledi, mynalardy qospaǵanda:

1) eldiń jáne shet memleketterdiń dıplomatııalyq qyzmetiniń personaly men olardyń otbasy músheleri;

2) Qazaqstan Respýblıkasy Syrtqy ister mınıstrliginiń shaqyrýymen Qazaqstanǵa jiberilgen resmı delegasııalardyń músheleri, sonymen qatar halyqaralyq uıymdardyń delegasııalary músheleri;

3) Qazaqstan Respýblıkasynyń múshesi bolyp tabylatyn jáne shet memleketterdiń aýmaǵynda ornalasqan halyqaralyq uıymdardyń qyzmetkerleri bolyp tabylatyn Qazaqstan Respýblıkasynyń azamattary men olardyń otbasy músheleri - qyzmetkerdiń mártebesin rastaǵan jaǵdaıda;

4) poezd jáne lokomotıvtik brıgadalarynyń, áýe jáne teńiz kemeleri ekıpajdarynyń músheleri jáne temir jol tasymaldaý prosesterine, júkterdi jáne halyqaralyq qatynasta júkterdi tasymaldaýdy júzege asyratyn poezdardy qabyldaý, tapsyrý jáne alyp júrý jónindegi operasııalarǵa qatysatyn adamdar;

5) qazaqstandyq áýekompanııa qyzmetkeriniń mártebesin rastaǵan jaǵdaıda qazaqstandyq áýekompanııalardyń qyzmetkerleri bolyp tabylatyn sheteldikter;

6) qazaqstandyq áýekompanııalardyń qyzmetkerleri bolyp tabylatyn sheteldikterdiń otbasy músheleri (týystyq baılanystar faktisi rastalǵan jaǵdaıda - jubaıy (zaıyby) jáne olardyń balalary), biraq 30 táýlikte 1 retten artyq emes;

7) qyzmetkerlerdiń kýálandyrylǵan ataýly tizimde bolǵan jaǵdaıda qyzmettik mindetterin atqarý úshin Qazaqstan Respýblıkasynyń aýmaǵyndaǵy sheteldik transshekaralyq qurylystarǵa qyzmet kórsetetin personal jáne shektes memleketterdiń aýmaǵyndaǵy qazaqstandyq transshekaralyq qurylystarǵa qyzmet kórsetetin personal;

8) Qazaqstan Respýblıkasynan jalǵa alynǵan aýmaqtarda[1] ornalasqan áskerı quralymdar, ónerkásip bólimsheleri men kásiporyndarynyń quramyna kiretin Reseı Federasııasynyń azamattary jáne olardyń otbasy músheleri (jubaıy, zaıyby, olardyń ata-analary jáne balalary) áskerı quralymdarda (bólimshege, ónerkásip kásiporynǵa) tıesiligi jáne týystyq baılanystary rastalǵan kezde, sondaı-aq osy áskerı bólimderge, bólimsheler men ónerkásiptik kásiporyndarǵa jiberilgen Reseı Federasııasynyń azamattary - eger Reseı Federasııasynyń ýákiletti memlekettik organdary men uıymdary bergen jol júrý sertıfıkattary bolsa;

9) "Baıqońyr" kesheni men Baıqońyr qalasynyń aýmaǵyna Reseı Federasııasynyń azamattary men olardyń otbasy músheleri – "Baıqońyr" kesheninde jumys isteıtin, sondaı-aq Baıqońyr qalasynda turaqty nemese ýaqytsha tirkelgen memlekettik organdardaǵy jáne ózge de uıymdardaǵy jumystyń/qyzmettiń jaramdylyǵyn rastaıtyn qujatty/qujattardy mindetti túrde usynǵan kezde;

10) Qazaqstan Respýblıkasy men shet memleketterdiń úkimetaralyq feldegerlik baılanys qyzmetkerleri, qyzmetkerdiń mártebesi rastalǵan kezde;

11) buryn shet memlekettiń aýmaǵyna ketken Qazaqstan Respýblıkasynyń azamattary (azamattyǵy joq adamnyń kýáligimen Qazaqstan Respýblıkasy qujattaǵan azamattyǵy joq adamdar) Qazaqstan Respýblıkasyna qaıtyp kelgen kezde;

12) Qazaqstan Respýblıkasynan basqa memleketke turaqty turýǵa ketken jáne/nemese ımmıgrasııalyq vızalary bar Qazaqstan Respýblıkasynyń azamattary;

13) Qazaqstan Respýblıkasynyń shetelge emdelýge ketetin azamattary Densaýlyq saqtaý mekemeleriniń rastaıtyn qujattaryn kórsetken kezde (eki eresek adamnan aspaıtyn erip júrgende), mynadaı qujattar bolǵan kezde:

- "Densaýlyq saqtaý uıymdarynyń bastapqy medısınalyq qujattama nysandaryn bekitý týraly" Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy№ 907 buıryǵymen bekitilgen 035-1/ý nysanyna sáıkes dıagnozdy jáne emdeý jedeldigin rastaý úshin aýmaqtyq ambýlatorııalyq-emhanalyq uıymnyń dárigerlik-konsýltasııalyq komıssııasynyń qorytyndysy";

- sheteldik medısınalyq uıymnan emdelýge shaqyrý-hat, notarıaldy kýálandyrylǵan aýdarmasy bar;

14) shet memleketterdiń turýǵa yqtııarhaty bar ne olardyń aýmaǵynda ýaqytsha turýǵa ruqsaty bar Qazaqstan Respýblıkasynyń azamattary (tek Reseı Federasııasy men Belarýs Respýblıkasynyń aýmaǵynda bolý úshin) jáne olardyń kámeletke tolmaǵan balalary – 30 táýlik ishinde 1 retten artyq emes[2];

15) Qazaqstan Respýblıkasynyń áýejaılarynan buryn týrıstik joldamalar boıynsha demalýǵa ushyp shyqqan jáne óziniń azamattyǵy bar eline avtomobıl kóligimen odan ári shyǵý maqsatynda demalǵannan keıin Qazaqstan Respýblıkasynyń áýejaılaryna qaıtyp kelgen sheteldikter, olardy osy memleketter elshilikteriniń kelisimi boıynsha jáne járdemimen áketken jaǵdaıda;

16) qajetti sanıtarlyq-epıdemııalyq is-sharalar júrgizilgennen keıin óz memleketteriniń Elshiligi men konsýldyq mekemeleriniń ótinishi boıynsha azamattyǵy bar eline avtomobıl ótkizý pýnktteri arqyly odan ári ushyp shyǵý nemese ketý úshin Qazaqstan Respýblıkasyna áýe ótkizý pýnktteri arqyly keletin sheteldikter;

17) rastaıtyn qujattary bolǵan kezde otbasy músheleri men jaqyn týystaryn (ata-analary (ata-anasy), balalary, bala asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri) jerleýge bara jatqan adamdardy, sondaı-aq qaıtys bolǵan otbasy músheleri men jaqyn týystarynyń máıitin (máıitin) jerleý ornyna ilesip júretin adamdar;

18) aýyr naýqastanýy týraly emdeý ornynyń rastaıtyn qujattary bolǵan kezde aýyr naýqastanǵan otbasy músheleri jáne jaqyn týystaryn kútip-baǵý úshin bara jatqan adamdar (ata-analary (ata-anasy), balalary, bala asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri) jáne olardyń kámeletke tolmaǵan balalary;

19) Qazaqstan Respýblıkasynyń aýmaǵyna elden ketý úshin buryn kelgen sheteldikter (azamattyǵy joq adamnyń kýáligi shet memleket qujattaǵan azamattyǵy joq adamdar);

20) Qazaqstan Respýblıkasynyń aýmaǵynda turýǵa yqtııarhaty (oralman mártebesi) bar sheteldikter (azamattyǵy joq adamdar) jáne olardyń otbasy músheleri (jubaıy, zaıyby, olardyń ata - analary jáne balalary) - 30 táýlik ishinde 1 retten artyq emes;

21) Qazaqstan Respýblıkasy azamattarynyń otbasy músheleri bolyp tabylatyn sheteldikter (azamattyǵy joq adamdar) - týystyq baılanystar faktisi rastalǵan jaǵdaıda (jubaıy (zaıyby), olardyń ata - analary jáne balalary) jáne olardyń kámeletke tolmaǵan balalary – 30 táýlik ishinde 1 retten artyq emes;

22) sheteldikterdiń otbasy músheleri (erli – zaıyptary, ata-analary, balalary, asyrap alýshylary, asyrap alǵan balalary), qorǵanshylary men qamqorshylary bolyp tabylatyn Qazaqstan Respýblıkasynyń azamattary jáne olardyń kámeletke tolmaǵan balalary - tek otbasy múshesiniń azamattyǵy bar eline shyǵý úshin, 30 táýlik ishinde 1 retten kóp emes;

23) sheteldik oqý ornynyń rastaıtyn qujattary bolǵan jaǵdaıda, sondaı-aq stýdenttik vızalaryn uzartý, stýdenttik ID-kartalaryn resimdeý, emtıhandardy (testterdi) tapsyrý úshin - sheteldik bilim berý mekemesiniń shaqyrýy jáne osy maqsattarmen shet elge kirýge resmı ruqsaty bolǵan jaǵdaıda shet memleketterdiń oqý oryndarynda oqyp júrgen Qazaqstan Respýblıkasynyń azamattary. Eger osy tarmaqshada kórsetilgen maqsattarǵa jatatyn Qazaqstan Respýblıkasynyń azamaty kámeletke tolmaǵan bolsa, onyń ata-anasynyń (qorǵanshylarynyń nemese qamqorshylarynyń) ere júrýlerine ruqsat beriledi;

24) tıisti sanattaǵy júrgizýshi kýáligi bolǵan kezde halyqaralyq júk tasymaldaryn júzege asyratyn júrgizýshiler (bir júk kólik quralyna 2 júrgizýshiden artyq emes) jáne aýylsharýashylyq qyzmetimen aınalysatyn taýarlardyń ıeleri - aýylsharýashylyq qyzmetin júzege asyrýdy rastaıtyn qujattar bolǵan kezde (Qazaqstan Respýblıkasy Aýyl sharýashylyǵy mınıstrligi bekitken tizim men úlgi qujattaryna sáıkes);

25) osy tártipke sáıkes Qazaqstan Respýblıkasynyń Memlekettik shekarasynan ótýge ruqsat etilgen adamdardy tasymaldaýdy jáne evakýasııalyq reısterdi júzege asyratyn júrgizýshiler;

26) árbir jeke jaǵdaı úshin Qazaqstan Respýblıkasy Premer-mınıstriniń orynbasary tóraǵalyǵymen arnaıy qurylǵan Vedomstvoaralyq komıssııa bekitetin tizimge sáıkes áleýmettik mańyzy bar kompanııalardyń qyzmetkerleri (mamandary) – sheteldikter;

27) árbir jeke jaǵdaı úshin Qazaqstan Respýblıkasy Premer-mınıstriniń orynbasary tóraǵalyǵymen arnaıy qurylǵan Vedomstvoaralyq komıssııa bekitetin tizimge sáıkes jasalǵan kelisim-sharttar sheńberinde avtomobıl jáne arnaıy kólik jetkizýdi júzege asyratyn adamdar;

28) Qazaqstan Respýblıkasynan shyǵýǵa bilikti qyzmetkerler (mamandar) qataryndaǵy Qazaqstan Respýblıkasynyń azamattary - baratyn eline kelýge resmı ruqsaty bolǵan jaǵdaıda árbir jeke jaǵdaı úshin Qazaqstan Respýblıkasy Premer-Mınıstriniń orynbasary tóraǵalyq etetin arnaıy qurylǵan vedomstvoaralyq komıssııa bekitetin tizimge sáıkes, Qazaqstan Respýblıkasy memlekettik organdarynyń qoldaýhaty boıynsha;

29) densaýlyq saqtaý mekemeleriniń rastaıtyn qujattaryn usynǵan jaǵdaıda (eki eresek adamnan aspaıtyn erip júrgende) qazaqstandyq mamandandyrylǵan emdeý mekemelerinde emdelýden ótý úshin sheteldikter (azamattyǵy joq adamdar);

30) Qazaqstan Respýblıkasy Bas prokýratýrasynyń sheshimi jáne Qazaqstan Respýblıkasy IIM QAJK komıtetiniń tıisti haty negizinde - ekstradısııalaý tártibimen beriletin sheteldikter (azamattyǵy joq adamdar) men Qazaqstan Respýblıkasy azamattarynyń qatarynan izdestiriletin jáne sottalǵan, sondaı-aq olardy qabyldap alý - berý aıdaýyl qyzmetiniń qyzmetkerlerine tapsyrýdy júzege asyratyn adamdar;

31) Qazaqstan Respýblıkasyna ekıpajdan tys aýsymǵa bara jatqan teńiz kemelerdiń qyzmetkerleri quramynan turatyn sheteldik azamattarǵa (azamatyǵy joq tulǵalarǵa) teńiz (ózen) kemelerdiń ekıpaj quramyna qatystyǵy men mártebesin dáleldeıtin tıisti qujattary bar bolǵan jaǵdaıda;

32) QR memlekettik jáne jergilikti organdarynyń shaqyrýy boıynsha medısınalyq kómek kórsetý úshin, sondaı-aq shetel memleketteri men halyqaralyq uıymdarynyń gýmanıtarlyq kómegi sheńberinde Qazaqstanǵa kele jatqan shetel medısınalyq personalyna.

2. Qazaqstan Respýblıkasy Úkimetiniń sheshimi boıynsha tikeleı áýe qatynasy qaıta ornatylǵan shet memleketterge Qazaqstan Respýblıkasy azamattarynyń shyǵýlaryna, sondaı-aq Qazaqstan Respýblıkasyna tikeleı áýe qatynasy qaıta ornatylǵan memleketterdiń azamattaryna - vızalyq talaptardy saqtaı otyryp, egerde Qazaqstan Respýblıkasynyń halyqaralyq sharttarynda ózgeshe tártip qarastyrylmaǵan bolsa, Qazaqstan Respýblıkasyna kirýge ruqsat beriledi.

3. Aqtaý jáne Quryq teńiz porttarynda júk avtokólik quraldarynyń júrgizýshilerin, Qazaqstan Respýblıkasyna qaıtyp kele jatqan Qazaqstan Respýblıkasynyń azamattaryn jáne olardyń jeke kóligin qospaǵanda, jolaýshylardy tasymaldaýǵa tyıym salynady.

Júkterdi teńiz porttary arqyly aýystyryp tıeý qatań túrde sanıtarlyq-epıdemıologııalyq normalardy saqtaı otyryp júzege asyrylýy tıis. Ekıpajdyń kemelerden shyǵýyna tyıym salynady.

4. Qazaqstan Respýblıkasynyń Memlekettik shekarasyn kesip ótýge jáne Qazaqstan Respýblıkasynyń aýmaǵynda bolýǵa memlekettik organdarynyń ruqsattaryn belgilengen tártippen resimdegen jaǵdaıda múddeli memlekettik organdarmen birlesip, «Baıqońyr» ǵarysh aılaǵynan ushyrý naýqandary jáne ǵaryshkerler qonatyn jerden jáne ushyrylatyn ǵarysh obektilerin izdestirý jáne evakýasııalaý jónindegi is-sharalar sheńberinde iske qosylǵan áýe kemelerin jáne jer ústi tehnıkasyn shekara arqyly ótkizýdi júzege asyrýǵa ruqsat etiledi.

5. Qazaqstan Respýblıkasynyń Syrtqy ister mınıstrligine Qazaqstan Respýblıkasy Ulttyq qaýipsizdik komıtetiniń Shekara qyzmetimen, Qazaqstan Respýblıkasy Ishki ister mınıstrligimen, Qazaqstan Respýblıkasy Densaýlyq saqtaý mınıstrligimen, Qazaqstan Respýblıkasy Indýstrııa jáne ınfraqurylymdyq damý mınıstrligimen kelisim boıynsha (onyń ishinde jumys tártibimen) shet memleketterdiń dıplomatııalyq qyzmetteri resmı ótinish jasaǵan kezde Qazaqstan Respýblıkasy arqyly óziniń azamattyǵy bar eline tranzıttik jol júrýdiń oryndylyǵy men múmkindigin anyqtaýǵa ruqsat beriledi.

6. Qazaqstan Respýblıkasynyń Syrtqy ister mınıstrligine, Ishki ister mınıstrligine, Densaýlyq saqtaý mınıstrligine, Ulttyq qaýipsizdik komıtetiniń Shekara qyzmetimen (onyń ishinde jumys tirtibimen) kelisý boıynsha Qazaqstan Respýblıkasynda akkredıtasııalanǵan sheteldik memleketterdiń dıplomatııalyq ókildikteriniń resmı ótinish jasaǵan kezde sheteldik dıplomatııalyq jáne konsýldyq ókildikterdiń qyzmetkerleri men olardyń otbasy músheleriniń, sondaı-aq sheteldik dıplomatııalyq jáne konsýldyq ókildiktermen shaqyrylatyn tulǵalardyń Qazaqstan Respýblıkasynyń aýmaǵyna kirý/shyǵý oryndylyǵy men múmkindigin anyqtaýǵa ruqsat beriledi.

7. Halyqaralyq júk tasymaldaýdy júzege asyratyn júrgizýshiler – Qytaı Halyq Respýblıkasynyń azamattary úshin Qazaqstan tarapyndaǵy ótkizý pýnktteriniń aýmaǵynda ornalasqan kólik-logıstıkalyq ortalyqtarǵa deıin vızasyz 24 saǵat boıy kirip-shyǵýǵa ruqsat etiledi.


[1] Qazaqstan Respýblıkasy men Reseı Federasııasy arasyndaǵy Reseı Federasııasy Qorǵanys mınıstrliginiń 929-Memlekettik ushý-synaq ortalyǵyn (Qazaqstan Respýblıkasynyń aýmaǵynda ornalasqan obektileri men áskerı alańdaryn) paıdalaný tártibi týraly kelisim (Máskeý q., 1995 jylǵy 20 qańtar).

Qazaqstan Respýblıkasy men Reseı Federasııasy arasyndaǵy Sary-Shaǵan synaq polıgonyn paıdalaný men jalǵa berý sharttary jáne Prıozersk qalasynyń tirshilik áreketin qamtamasyz etý týraly kelisim (1995 jylǵy 20 qańtar).
[2] Bul jerde jáne budan ári Memlekettik shekarany bir márteden kóp emes (kirý-shyǵý) ótýdi belgileıdi.

Sońǵy jańalyqtar

Qarasý aýdanynda 39 úıdi sý basty

Aımaqtar • Búgin, 17:12

Almaty oblysynda orman alqaptary órtendi

Ekologııa • Búgin, 16:10

Búgin – ekologııalyq bilim kúni

Ekologııa • Búgin, 15:59

Esil ańǵarynan asyp, qaýip tóndirýde

Aımaqtar • Búgin, 13:50

Pavlodar oblysynda da balyqtar qyrylyp qaldy

Ekologııa • Búgin, 12:25

Túrkistanǵa 3000 jyl

Rýhanııat • Búgin, 12:10

Elimizde jumyssyzdyq deńgeıi ósti

Qoǵam • Búgin, 10:03

2002 adam koronavırýstan emdelip shyqty

Koronavırýs • Búgin, 09:32

Dollar qaıtadan arzandaı bastady

Qarjy • Búgin, 09:22

Saryala qazdyń qańqyly estildi

Rýhanııat • Búgin, 08:51

Shyǵyrshyqtar jeńiske shaqyrady

Oqıǵa • Búgin, 08:50

Aqmolalyqtar Aqkólge qarap boı túzeıdi

Tehnologııa • Búgin, 08:40

Qor naryǵy qymbattady

Álem • Búgin, 08:33

La-Sýfrıer janartaýy oıandy

Álem • Búgin, 08:30

Baba amanatyna adaldyq

Rýhanııat • Búgin, 08:07

Medıatorlar qatary qalyńdaı túsedi

Qoǵam • Búgin, 08:05

Balýannyń alǵashqy altyny

Kúres • Búgin, 08:02

Nannyń qadir-qasıetin umytpaıyq

Qoǵam • Búgin, 08:01

PSJ ese qaıtardy

Fýtbol • Búgin, 07:59

Jarysty jeńispen bastady

Boks • Búgin, 07:56

Jaqaevtyń taqııasy

Rýhanııat • Búgin, 07:47

Uqsas jańalyqtar