Qoǵam • 18 Shilde, 2020

Áskerıler elimizdiń birqatar óńirlerinde dezınfeksııa jumystaryn bastady

483 ret

kórsetildi

1 mın

oqý úshin

Elimizdiń Qarýly Kúshteri jergilikti atqarýshy organdar men tótenshe jaǵdaı organdaryna garnızondarynda dezınfeksııalyq jumystar júrgizýge kómek kórsetýdi qaıta bastady, dep habarlady QM baspasóz qyzmeti.

Suńǵat ÁLIPBAI

Áskerıler elimizdiń birqatar óńirlerinde dezınfeksııa jumystaryn bastady

Qazirgi tańda Aqmola, Aqtaý, Atyraý, Qyzylorda, Taraz jáne Shymkent garnızondarynda óńdeý jumystary qolǵa alyndy.

Eldi-mekenderdi óńdeýge jumyldyrylǵan qurama jasaq arnaıy tehnıkamen, ARS-14 avto quıý stansııalarymen, óńdeý jıyntyǵymen jáne dezınfeksııalaý quraldarymen qamtamasyz etilgen.

О́tken aptada arnaıy óńdeýdiń jıyntyq jasaǵy jalpy aýdany 751 myń sharshy metrden asatyn 450-den astam áleýmettik mańyzy bar jáne basqa da nysandardy dezınfeksııalady.

Ákimdikterdiń ótinimderi boıynsha 18 shildede dezınfeksııalaý jumystary Aqtaý, Atyraý jáne Nur-Sultanda júrgiziledi. Áskerı qyzmetshiler tańerteń jumystaryn bastap, 27 áleýmettik mańyzy bar jáne 35 basqa qalalyq nysandardy óńdeýde. Qala turǵyndary kóp jınalatyn jerlerge de erekshe kóńil bólinedi.

О́ńdeý jospary jergilikti atqarýshy organdardyń ótinimderi boıynsha otyryp qalyptastyrylady. Dezınfeksııalaý jumystaryn 25 shildege deıin jalǵastyrý josparlanyp otyr, biraq qajettiligine qaraı merzimi uzartylýy múmkin.