Aımaqtar • 18 Shilde, 2020

"Áziret Sultan" qoryq-mýzeıin qaıta jańǵyrtý jumystary qarqyndy júrgizilýde

330 ret kórsetildi

Mádenıet jáne sport mınıstrligi, "Áziret Sultan" memlekettik tarıhı-mádenı qoryq-mýzeıine qarasty eskertkishterdi qaıta qalpyna keltirý, zertteý jáne olardy týrıstik ortalyqqa aınaldyrý maqsatynda 18 tarıhı-mádenı nysandy qaıta jańǵyrtý jumystaryn kezeń-kezeńimen júzege asyrýda, - dep habarlady mınıstrliktiń baspasóz qyzmeti.

Mádenıet jáne sport mınıstrligi tanymdyq jáne rýhanı týrızm úshin qolaıly jaǵdaı jasaı otyryp, tarıhı izdenisterdi jandandyrý, qalpyna keltirý úshin Túrkistan qalasyndaǵy "Áziret Sultan" qoryq-mýzeıiniń 2019-2021 jyldarǵa arnalǵan úsh jyldyq damý josparyn qolǵa alǵan bolatyn. Osy oraıda, tarıhı eskertkishterdi qaıta jańǵyrtý jumystary men arheologııalyq qazba jumystary josparǵa sáıkes júzege asyrylyp otyr.

Tarıhı eskertkishterdi qaıta jańǵyrtý jumystaryn "Qazqaıtajańartý" RMK júrgizýde.

Qazirgi tańda keshendi ǵylymı, restavrasııalyq jumystardyń nátıjesinde Qoja Ahmet Iаsaýı kesenesiniń Qabirhana, Qazandyq, Úlken Aqsaraı, Qabirhana, Qudyqhana bólmeleri aqtalyndy.

Sondaı-aq, Qoja Ahmet Iаsaýı kesenesiniń kúmbezi, Kazarma, Rabııa Sultan Begim kesenesi, Shyǵys monshasy, Juma meshiti, Darbaza qaqpasy, Han meshiti, Jeti ata qaqpasy, Qylýet jer asty meshitterinde restavrasııalaý jumystary qarqyndy júrýde.

XI-XII ǵasyrdaǵy 40 meshittiń ishinen qazirgi zamanǵa deıin jetken jalǵyz dinı oryn Juma meshitin mıhrabymen birge tolyǵymen jańǵyrtý jáne aǵash bastyrmasyn keńeıtý jumystary da josparlanǵan. Qazirgi tańda meshittiń ońtústik-shyǵys qabyrǵalaryna demontaj jasaldy.

XI-XII ǵasyrǵa tán Qylýet jerasty meshitin qaıta jańǵyrtý barysynda ǵımarattyń negizgi salmaq túsetin qurylymdary men jerasty qurylysynyń irgesi keńeıtildi.

Ortaǵasyrlyq shyǵys monshasy - XV ǵasyrdyń tarıhı jádigeri. Monsha men kúmbezdiń juqa qabatyn, ıntererin restavrasııalaý, ekinshi esikti salý jáne irgeles aýmaqty abattandyrý josparlanyp otyr.

Kazarma - sáýlettik ǵımarat. Jergilikti mańyzy bar eskertkishke 2000 jyldan beri kúrdeli jóndeý jumystary júrgizilmegen bolatyn. Qazirgi tańda sáýlettik eskertkishtiń shatyryn tolyǵymen aýystyrylyp jatyr.

Sońǵy jańalyqtar

Shırek fınalǵa ótti

Tennıs • Keshe

Uqsas jańalyqtar