Prezıdent shetelde kadrlar daıarlaý jónindegi respýblıkalyq komıssııa týraly Jarlyqqa qol qoıdy

QAZAQSTAN RESPÝBLIKASY PREZIDENTINIŃ JARLYǴY

«Shetelde kadrlar daıarlaý jónindegi respýblıkalyq komıssııa týraly» Qazaqstan Respýblıkasy Prezıdentiniń 2000 jylǵy 12 qazandaǵy №470 Jarlyǵyna ózgerister men tolyqtyrýlar engizý týraly

QAÝLY ETEMIN:

1. «Shetelde kadrlar daıarlaý jónindegi respýblıkalyq komıssııa týraly» Qazaqstan Respýblıkasy Prezıdentiniń 2000 jylǵy 12 qazandaǵy № 470 Jarlyǵyna (Qazaqstan Respýblıkasynyń PÚAJ-y, 2000 j., № 43, 503-qujat) mynadaı ózgerister men tolyqtyrýlar engizilsin:

1-2-tarmaq mynadaı redaksııada jazylsyn:

«1-2. Qazaqstan Respýblıkasynyń ortalyq jáne jer­gilik­ti atqarýshy organdarynyń basshylary jyl saıyn 1 qyr­kúıekten keshiktirmeı Shetelde kadrlar daıarlaý jónindegi respýblıkalyq komıssııanyń jumys organyna «Bolashaq» halyqaralyq stıpendııasy boıynsha mamandar daıarlaýǵa ótinimdi usynsyn.»;

joǵaryda atalǵan Jarlyqpen bekitilgen Shetelde kadrlar daıarlaý jónindegi respýblıkalyq komıssııa týraly erejede:

4-tarmaqta:

2) tarmaqsha mynadaı redaksııada jazylsyn:

«2) «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalaryna (budan ári – Irikteý qaǵıdalary) sáıkes «Bolashaq» halyqaralyq stıpendııasyn taǵaıyndaý, odan aıyrý týraly sheshim qabyldaý;»;

3) jáne 4) tarmaqshalar alyp tastalsyn;

10-tarmaqta:

2) tarmaqsha alyp tastalsyn;

7) tarmaqsha mynadaı redaksııada jazylsyn:

«7) memlekettik tildi bilýdiń qajetti eń tómen deńgeıin, sheteldik joǵary oqý oryndarynyń, shet memleketterdiń ýákiletti organdary aıqyndaıtyn sheteldik uıymdardyń talaptaryn eskere otyryp, shet tilin bilýdiń qajetti eń tómen deńgeıin belgileıdi;»;

mynadaı mazmundaǵy 12), 13) jáne 14) tarmaqshalarmen tolyqtyrylsyn:

«12) Irikteý qaǵıdalaryna sáıkes «Bolashaq» halyqaralyq stıpendııasynan bas tartýdy qabyldaıdy, sondaı-aq «Bo­la­shaq» halyqaralyq stıpendııasy sheńberinde alǵan mamandyǵy boıynsha eńbek qyzmetin Qazaqstan Respýblıkasynyń aýma­ǵynda júzege asyrýdy keıinge qaldyrý týraly sheshim qabyldaıdy;

13) «Bolashaq» halyqaralyq stıpendııasyn taǵaıyndaý úshin basym mamandyqtar tizbesin jyl saıyn bekitedi;

14) Irikteý qaǵıdalarynda aıqyndalǵan adamdar sanat­tary úshin «Bolashaq» halyqaralyq stıpendııasynyń shekti sanyn jyl saıyn belgileıdi.».

2. Osy Jarlyq jarııalanǵan kúninen bastap kúshine enedi.

Qazaqstan Respýblıkasynyń Prezıdenti Q.TOQAEV

Nur-Sultan, Aqorda, 2020 jylǵy 16 shilde

№372