"El boıynsha aýrýhanalardaǵy 34 myń tósek-orynnyń sany 49,7 myńǵa deıin kóbeıdi. Provızorlyq ortalyqtardaǵy tósek-oryndar 20%-ǵa, al reanımasııalar 6%-ǵa bosaı bastady. 2962 mobıldi brıgada quryldy", - dedi ol.
Qazir respýblıka boıynsha 1985 dana ókpeni jasandy jeldetý apparaty bar eken.
"Qosymsha 4183 apparat satyp alǵaly jatyrmyz, onyń 3105 danasyn otandyq óndirýshilerden alamyz. El boıynsha 21 855 aýrýhanadaǵy kereýet janynda ottegi bar. Basa aıta keterligi, aımaq-aımaqqa baratyn 100 kóshpeli medısınalyq keshen satyp alǵaly jatyrmyz. Olar aımaqtarda kórsetiletin qyzmetterdiń aýqymyn keńeıtedi. Máselen, rentgen apparattary, ÝZD, EKG jasaıtyn jáne qan taldaýyn jasaıtyn múmkindikterge ıe. Eki aptalyq karantınniń naqty nátıjelerin kórip otyrmyz. Kúndelikti koronavırýs juqtyrý deńgeıi 4%-dan 2,1%-ǵa deıin tómendedi. Qazaqstan boıynsha jedel járdem shaqyratyndar sany 23%-ǵa azaıdy, al, jekelegen qalalardaǵy jedel járdemge túsetin salmaq eki esege azaıdy. Qazir dınamıka turaqtanyp keledi, dárigerler de burynǵy jumys rıtmine qaıta oralyp jatyr. Densaýlyq saqtaý júıesi bir sátte ózgere almaıdy. Eki apta burynǵy jaǵdaımen salystyrǵanda, qazir pozıtıvti ózgerister bar", - dedi Soı.
