Maýsym aıynyń ortasynda bastalǵan tazartý jáne zalalsyzdandyrý jumystaryn tamyz aıynda aıaqtaý josparlanyp otyr. Bul prosedýra júıeli negizde 3 jylda 1 ret júrgizilip turady. "Nursultan Nazarbaev halyqaralyq áýejaıy" AQ Basqarma tóraǵasy Ǵabıt Tájimuratov atap ótkendeı, áýejaı ákimshiligi áýeaılaq aýmaǵynda jolaýshylar men qyzmetkerlerdiń qaýipsizdigin qamtamasyz etý boıynsha keshendi jumystar júrgizip jatyr.
Aýa baptaý jáne aýa jeldetý júıeleri zalalsyzdandyrylyp, jolaýshylar men qyzmetkerler taza aýamen tynystaıdy. Astananyń áýe qaqpasy arqyly 2020 jyldyń maýsym aıynyń ózinde 220 myńǵa jýyq jolaýshy ótkenin eskersek, mundaı jumystardyń mańyzy óte zor.
Aýa baptaý jáne jeldetý júıelerin josparly tazalaý nátıjesinde:
- Jeldetý jabdyǵynyń jumys qýaty 25-45%-ǵa artady;
- Qyzmetkerlerdiń aýyryp qalý yqtımaldyǵy 30%-ǵa tómendeıdi (DDU derekteri boıynsha);
- О́rt jáne basqa da shuǵyl jaǵdaılar týyndaý yqtımaldyǵy azaıady.
Ǵımarattyń jeldetý júıesin tazalaý úshin sertıfıkattaýdan ótken jáne barlyq ruqsat qujaty bar jergilikti kompanııanyń mamandary tartylyp, arnaıy jabdyqtar men arnaıy suıyqtyqtardy paıdalanady. Barlyq qoldanylatyn zattar adam densaýlyǵyna zııansyz jáne ıisi joq.
