Nur Otan partııasynyń Sátbaev qalalyq fılıaly "Sátbaev jylý - sýmen jabdyqtaý kásiporny" JShS jáne partııa ardageri Qorǵanbaı Qulsharıpov birlesip, týberkýlezge qarsy dıspanserge, Sátbaev qalasyndaǵy ortalyq qalalyq aýrýhanaǵa, medısınalyq-sanıtarlyq bólimge 200 lıtr qymyz, 50 kılogramm et jetkizdi.
Nur Otan partııasy Nura aýdandyq fılıaly "Jer" fhpt-men birlesip 100 lıtr qymyzdy Nura aýdanynyń ortalyq aýrýhanasyna ákeldi.
Qaraǵandy oblysy Ulytaý aýdanynyń turǵyny, sharýa qojalyǵynyń ıesi Dáýren Baıbolov óz aýdanynyń ortalyq aýrýhanasyna 200 kılogramnan astam et, 30 lıtr qymyz, 100 kılogramnan astam kókónis pen basqa da azyq-túlikti usyndy.
Qaraǵandy oblysynyń Buqar jyraý aýdanynda partııanyń belsendi múshesi, aýdannyń qurmetti azamaty, aıtysker jáne aqyn Aıtbaı Jumaǵulov aýdandyq aýrýhanalarǵa О́JJ (IVL) apparatyn satyp aldy. Apparat jaqyn arada Botaqara kentiniń aýrýhanasyna jetkiziledi.
Nur Otan partııasynyń BizBirgemiz respýblıkalyq aksııasy jalǵasýda. Kún saıyn aksııaǵa belsendi partııalyqtar qatysyp otyr. Sonymen qatar, aksııaǵa Qaraǵandy oblysynyń mesenattary, kásipkerleri men eriktiler qozǵalysy belsendi túrde qatysýda. Bul aksııa aımaqta karantın tolyq aıaqtalǵanǵa deıin jalǵasady.
Koronavırýsqa qarsy kúres kezinde otandyq dárigerlerdi qoldaý boıynsha "Dárigerlerge myń alǵys" aksııasy aıasynda qaraǵandylyq jasotandyqtar "Alǵys paketterin" tabys etti.
Aksııa Qaraǵandy qalasynyń №1 kópsalaly aýrýhanasy bazasynda ótkizildi. Onda kún saıyn 2 aýysymda 120-dan astam medısına qyzmetkeri eńbek etedi.
"Alǵys paketi" medısına qyzmetkerleriniń tilekterin eskere otyryp jasalǵan. Olar ystyqta kúni boıy arnaıy kostıýmder, maskalar men qolǵaptardy kıip júrýge májbúr. Atalǵan jıyntyqta osy yńǵaısyzdyqtardy jeńildetý úshin barlyq qajetti nárse bar. Árbir alǵys paketine qol kremi, ylǵaldy maılyqtar, bal, lımon, mıneraldy sý, tabıǵı sýsyndar jáne basqa da ónimder kiredi.
