Joıý jumystarynda barlyǵy 266 adam, 61 birlik tehnıka jáne 1 tikushaq jumyldyryldy. Bul Jambyl oblysy TJD, "Moıynqum, Baızaq, Merki, Qosqudyq, Qordaı jáne Jýaly orman jáne janýarlar dúnıesin qorǵaý jónindegi mekemeleri" KMM, Moıynqum aýdanynyń erikti órt sóndirý qurylymdary, «Qazavıaormanqorǵaý" RMK kúshteri men quraldary. 21 shildede saǵat 09:45-te órt aldyn ala 18 myń ga alqapta shekteldi. Jaǵdaıdy baǵalaý maqsatynda "Qazavıaqutqarý" RMK MI-2 tikushaǵyna aýmaqty ushý jasaldy.
О́rtti sóndirý 15 m/s keı jerlerde 23 m/s kúshti ekpindi jelmen kúrdelene túsedi. Aǵymdaǵy jyldyń 20 shildesinde táýligine 27 tabıǵı órt oqıǵasy tirkeldi. TJK baqylaýynda Aqtóbe, Shyǵys Qazaqstan, Jambyl, Pavlodar, Qostanaı, Qaraǵandy oblystarynda 15 tabıǵı órt bar, onda órtterdi joıý boıynsha sharalar qabyldanýda.
Osyǵan baılanysty oqıǵa ornynan alynǵan vıdeo-úzindide er adam mán-jaıdy túsindiredi:
Budan basqa, ótken táýlikte Aqtóbe, Shyǵys Qazaqstan, Jambyl, Batys Qazaqstan, Qaraǵandy, Qostanaı oblystarynda qurǵaq shóptiń janýy joıyldy. Atalǵan óńirlerde dala janýynyń jalpy aýdany 4501 ga qurady, onyń ishinde Aqtóbe oblysynda edáýir órt alańy – 3600 ga. О́rtti joıýǵa TJD, erikti órt sóndirý quramalarynyń, orman sharýashylyqtarynyń kúshteri men quraldary jumyldyryldy.
