Bul elde Tótenshe jaǵdaı rejımi sáýir aıynda engizilgen. Bul rejım boıynsha eldiń premer-mınıstri halyqqa úıinen shyǵýǵa, kópshilik sharalar ótkizýge jáne qoǵamdyq kólikke otyrýǵa tyıym sala alady. Tipti, baspasóz betine halyqtyń úreıin alyp, dúrbeleń týǵyzatyn materıaldar salýdy tyıa alady.
Basqa eldermen salystyrǵanda Taılandta COVID-19 juqtyrǵandar anaǵurlym az. Pandemııa bastalǵaly elde nebári 3 myńnan asa adam ǵana vırýs juqtyrdy, barlyǵy 58 naýqas koronavırýstan kóz jumdy. Mamyr aıynan bastap keıbir erekshe jaǵdaılardy esepke almaǵanda, táýligine KVI juqtyrǵan adamdar sany 10-nan aspaıdy.
Al, Gonkongta jabyq qoǵamdyq oryndarda adamdardyń maska taǵyp júrýi mindetteldi. Bul talapty oryndamaǵandarǵa 5 myń gonkong dollary kóleminde aıyppul salynady.
Sondaı-aq, Gonkongta 28 shildege deıin oıyn-saýyq ortalyqtary men sport zaldar jabyldy. Meıramhanalar tek shekteýlik ýaqyt ishinde (18:00 saǵatqa deıin) qyzmet kórsetetin bolady.
Oǵan qosa, AQSh pen Qazaqstannan eline oralǵan Gonkong turǵyndary ushaqqa otyrmas buryn koronavırýsty anyqtaıtyn testen ótip, qalaǵa jetken soń oqshaýlanady.
