Pikir • 24 Shilde, 2020

Jamandyqtan jaýapkershilik qutqarady

191 ret kórsetildi

Kózge kórinbeıtin, qolǵa ustap kórýge bolmaıtyn vırýs álemdi ábigerge salyp, qazaq halqynyń basyna da qara bulttaı úıirilip, aınalasy az ýaqyttyń ishinde talaı-talaı tulǵalarymyzdy aramyzdan alyp ketkeni qabyrǵamyzdy qaıystyrady. Qaraly habarlardy estigen saıyn, janarymyzǵa jas úıirilip, júregimiz qars aıyrylardaı kúıde otyrǵanymyz anyq.

El Prezıdenti halqymyzdyń taǵdyry tarıh tarazysynda tur dep bekerden-beker atap ótken joq. Qazaq halqy san ǵasyrlar boıy órkenıet áleminde para­sat­­tylyqtyń úlgisindeı bolyp kelse, dál búginde elimiz ótke­nine, ata-baba jolyna bir qaraılaı otyryp, keler urpa­ǵynyń saýlyǵy jolynda aty jaman indetti jeńýdegi áre­ket-qımyldaryn toqtatpaýy qajet. Ár mınýt, ár saǵat saıyn Alla­dan eldiń amandyǵyn tilep otyr­ǵan kezeńde jastarymyz sanıtarlyq talaptardy saqtap, karantın rejimin buzbaýdy túsinse eken deımiz. Meniń alty jas­taǵy shóberem «Tabıǵat bizge qatty renjidi, jaǵ­daıy­myzdyń nasharlaǵany sodan» dege­ninde úlken mán jatyr ma deı­min. Dertke shaldyqqan qanshama qan­das­­tarymyzdyń taǵdyry qyl ús­tinde tur. Adam janyna arasha túsken medı­sına qyz­met­ker­leriniń jaǵdaıy kóz aldymyz­da ótip jatyr. Olar aılar boıy bala-shaǵasynan jyraqta apatpen kúresip, óz ómirlerin qaterge tikti.

Sondyqtan da el basyna kún týǵan kezeńde sabyr saqtap, árkim óz ómirine, bolashaqqa asqan jaýap­­­kershilikpen qarasa deımin. «Saqtansań, saqtaımyn» degen halyq danalyǵy tekten-tekke aıtylmaǵan ǵoı.  Kókirek kózin oıatyp, ózimiz ǵana emes, baýyrlarymyzǵa da janashyrlyq tanytý árkimniń mindeti. Bul indetti barshamyz judyryqtaı jumylyp, uıymshyldyq tanytqanda ǵana jeńe alamyz. Alla taǵala barshamyzǵa kúsh-qýat berip, aman-esen qaýyshar kúnder jyldam jetse eken dep tileımin.

 

Bıbigúl TО́LEGENOVA,

KSRO jáne Qazaqstannyń halyq ártisi, KSRO jáne Qazaqstan Memlekettik syılyqtarynyń  laýreaty, Sosıalıstik Eńbek Eri

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar