Myń qosshyǵa – bir basshy. Árqaısymyz ár tarapqa tartpaı, sol bir adamdy qoldap, ún qosýǵa mindettimiz dep oılaımyn. Barlyq máselede bas birikpeı, jeńis joq. «Saýsaq birikpese, ıne ilikpeıdi» deıdi qazaq. Sondyqtan qazirgideı qatal rejimge ózimizdi qalyptastyrýymyz qajet. Jáne sol erejeni ózimizden bastaýymyz kerek. Kóshege shyqpaý kerek! Orynsyz júrmeý kerek! Ásirese, jasy kelgen adamdar. Degenmen bul indet bas-kóz demeı, adamnyń jasyna da qaramaı, ajal qushtyryp jatyr. Sol úshin barynsha saq bolǵanymyz jón.
Halqymyzdyń bas amandyǵy úshin shartarapty sharlaǵan indettiń ekinshi tolqyny kelmeı-aq qoısyn dep tileımiz. Osy joǵaltqanymyz da jeter. Endi, birinshiden, ana retinde, áje retinde, odan keıin aqyn-jazýshy retinde el-jurtymnyń amandyǵyn tileımin. Laıym jaqsy kúnderde jaqsylyqpen súıinshilesip kezdeseıik.
Hanbıbi Esenqaraqyzy,
aqyn, Halyqaralyq «Alash» ádebı syılyǵynyń laýreaty,
«Parasat» ordeniniń ıegeri
