"Dinı basqarma el musylmandarynyń ótinishin eskere otyryp bıylǵy jyly alǵash ret Qurban aıt qarsańynda halyqaralyq tájirıbege súıenip, qashyqtyqtan qurban shalý jobasyn qolǵa aldyq. Osy maqsatta qurban2020.kz saıtyn ashyp, 24 shildeden, ıaǵnı búginnen bastap 24 saǵat boıy iske qosylady. 30 shildege deıin qurbandyq shalýǵa onlaın tapsyrys qabyldaıdy. Kez-kelgen azamat onlaı túrde qurban shalýǵa tapsyrys bere alady.
Onlaın rejımde tapsyrys qabyldap, qurbandyq etin kómekke zárý jandarǵa taratý tájirıbesi Túrkııa, Malaızııa, Indonezııa, Birikken Arab Ámirlikteri syndy birqatar musylman memleketterinde burynnan qalyptasqan jáne jyl saıynǵy ıgi dástúrge aınalǵan. Bul júıeniń basty ereksheligi Qurbandyq eti túgeldeı muqtaj azamattarǵa taratylady. Alǵash ret iske qosylǵaly turǵan bul júıeniń keıbir kemshilikteri bolýy múmkin. Tehnıkalyq kemshilikter oryn alyp jatsa, halyqty túsinistikpen qaraýǵa shaqyramyz", - dedi ol.
Naýryzbaı qajy atalmysh joba kelesi jyly da jalǵasyn tabatynyn aıtty.
"Atalmysh joba kelesi jyly da óz jalǵasyn tabady dep josparlaýdamyz. Onlaın qurbandyq shalý barysynda ımamdarymyz deldaldyq qyzmet jasamaıdy, eki ortada júrip paıda tabýmen aınalyspaıdy. Bizdiń mindet – halyqqa qyzmet, qurbandyq shalý rásimin uıymdastyrý jáne qurban etterin muqtaj jandarǵa úlestirý bolyp tabylady", - dedi Bas múftı.
