Qazaqstan • 04 Tamyz, 2020

Ekologııa mınıstrligi "Janýarlarǵa jaýapkershilikpen qaraý týraly" zań jobasyn talqylaýǵa shaqyrady

44 ret kórsetildi

5 tamyzda, saǵat 11.00-de QR Ekologııa, geologııa jáne tabıǵı resýrstar mınıstrligi buǵan deıin QR Parlamenti Májilisiniń bir top depýtattary ázirlegen osy zań jobasyn qoǵamdyq talqylaýdy ótkizedi. Búgingi tańda bul qujat Úkimettiń qaraýynda.

Qazaqstanda janýarlardy qorǵaý týraly jańa zań jobasynyń qajettiligi áldeqashan pisip-jetilgen. Elimizde barlyq janýarlarǵa, onyń ishinde úı, jabaıy jáne aýylsharýashylyǵy janýarlaryna jaýapkershilikpen qaraý týraly birde-bir zań joq.

Janýarlarǵa qatygezdik kórsetken adamdar týraly habarlamalar áleýmettik jelilerde jıi shyǵady. Alaıda, búginde Qazaqstandaǵy janýarlarǵa qatigezdik kórsetkeni úshin taǵaıyndalatyn jaza jeńil.

Sonymen birge, tájirıbe kórsetkendeı, janýarlarǵa qatygezdikpen qaraý adamdarǵa qatysty qatygezdik qylmystardan 5 ese, múliktik qylmystardan 4 ese kóp.

Qoldanystaǵy zańnamada janýarlarǵa arnalǵan baspana uǵymy jáne olardy salý standarttary, úı janýarlaryn serýendetý jáne kútip ustaý erejeleri joq. Al qańǵybas ıtter men mysyqtardy aýlaý jáne joıý erejeleri qalalar men eldimekenderde ártúrli.

Qańǵybas ıtterdi atý prosesiniń ózi kópshiliktiń synyna ushyraýda. Janýarlardyń quqyǵyn qorǵaýshylar onyń ornyna janýarlarǵa arnalǵan baspana quryp, mysyqtar men ıtterdi zararsyzdandyrýdy usynady. Keıbir adamdar úı janýarlaryn dalaǵa tastap, olardy uzaq ýaqyt tamaqsyz, sýsyz qaldyrady. Ýaqtyly veterınarlyq kómek kórsetpeıdi jáne t.b.

Respýblıkamyzdaǵy ótkiziletin ıtterdiń tóbelesi de etıkalyq turǵyda qaıta qaraýdy qajet etedi. Keıbir haıýanattar baǵyndaǵy jáne sırkterdegi janýarlardy kútip-ustaý erejeleriniń qataldyǵy azamattardyń ashý-yzasyn týdyrýda.

Jalpy, janýarlarǵa qatigezdikpen qaraý máselesi kúrdeli. Ol balalar tárbıesimen, pedagogıka, etıka, aqparattyq, qorshaǵan ortany qorǵaý jáne qylmystyq-atqarý saıasatymen tyǵyz baılanysty.

Sondyqtan búginde memleket, birinshi kezekte, haıýanattar baǵyndaǵy janýarlardy ustaýǵa qoıylatyn talaptardy qataıtý, janýarlardy qorǵaýdaǵy azamattyq bastamalardy qarjylandyrý, sonymen birge zoologııalyq volonterlikti qoldaý jáne mektep oqýshylary men stýdentter arasynda janýarlarǵa jaýapkershilikpen qaraý ıdeıasyn ilgeriletý úshin sharalar qabyldaıdy.

О́z kezeginde, Ekologııa mınıstrligi halyqtyń osy másele boıynsha barlyq usynystaryn qaraýǵa jáne zań jobasyn talqylaý kezinde eskerýge daıyn.

О́tkizý ýaqyty: 2020 jylǵy 5 tamyz, saǵat. 11:00.

Konferensııaǵa silteme: https://us02web.zoom.us/j/9043681468

Parol: 1204.

Suraqtar boıynsha syna nómirge habarlasýdy suraımyz: 87017932418.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar