2020 jyldyń mamyr aıynda Sardoba sý qoımasy jarylyp, Ortalyq kollektorda sýdyń tolýyna sebepshi boldy, nátıjesinde Túrkistan oblysy Maqtaaral aýdanynyń aýmaǵyn sý shaıyp ketken bolatyn. Bes eldimekendi sý basyp qaldy.
Álimjan Qurtaev jaýapty memlekettik organdardyń, qurylys uıymdarynyń ókilderimen jáne azamattarmen kezdesti. Oǵan Myrzakent kentinde 1200 oryndyq mekteptiń, 280 oryndyq balabaqshanyń jáne dárigerlik ambýlatorııanyń qurylysy týraly aıtyldy. Ferdaýsıde jumysshylar 600 oryndyq mektepti qalpyna keltirýde, jańadan dárigerlik ambýlatorııa men bekinis pýnktin salýda.
Myrzakent shaǵynaýdanynda 386 turǵyn úı qurylysyna myń jarymǵa jýyq adam qatysýda. Aýdan ákimdigi 196 turǵyn úıdiń Úkimet qorynyń esebinen jáne 190 úı qaıyrymdylyq qorlarynyń, onyń ishinde "BizBirgemiz" qorynyń esebinen salynyp jatqanyn aıtty.
Sonymen qatar, sý basýdan zardap shekken aýyldarda gaz, jaryq júıeleri, baılanys jelileri men avtokólik joldary qalpyna keltirilýde.
Túrkistan oblysyna sapary aıasynda Álimjan Qurtaev óńir jurtshylyǵymen kezdesýler ótkizýde, jaýapty memlekettik organdarynyń ókilderimen birlesip medısınalyq mekemelerge baryp, jergilikti jerde pandemııamen kúres jumystarynyń barysymen tanysýda.
