Aımaqtar • 07 Tamyz, 2020

Turmystyq zorlyq-zombylyq qurbany bolsańyz ne isteý kerek?

46 ret kórsetildi

Úıdegi zorlyq-zombylyq taqyrybyna arnalǵan kezekti tikeleı efır Nur-Sultan ákimdiginiń resmı saıtynyń Instagram paraqshasynda ótti. Oqyrmandar suraǵyna "Qorǵaý Astana" qorynyń tóraǵasy Anna Ryl jaýap berdi.

"Qorǵaý Astana" qory turmystyq zorlyq-zombylyqtan zardap shekken áıelderge kómek kórsetýde. Bizde arnaıy qyzmet bar – bul áıel kelip, psıhologtyń, áleýmettik qyzmetkerdiń, zańgerdiń kómegin tegin ala alatyn keńes berý ortalyǵy. Eger áıelge qajet bolsa, onda bul azyq-túlik sebeti, kıim nemese basqa da zattar túrinde kómek bolady. Sonymen qatar bizde daǵdarys ortalyǵy – baspana bar. Baspanada áıel balamen birge, eger olar tikeleı qaýip tónse, alty aıǵa deıin bola alady. Qajet bolǵan jaǵdaıda árdaıym 102-ge qońyraý shalyp, eńbek jáne áleýmettik qorǵaý basqarmasyna habarlasyńyz. Basqarma arqyly daǵdarys ortalyqtary kómek kórsete alady", – deıdi qor basshysy.

"Eger áıel agressormen uzaq ýaqyt ómir súrse, onyń tózimi taýsylǵanyn túsinemiz. Birinshiden, bul týraly mamanǵa, tanys adamdarǵa aıtý kerek. Bireý otbasynda ne bolyp jatqanyn bilýi kerek. Ekinshiden, eger áıel qazir qandaı da bir jeke sebeptermen ketýdi josparlamasa, onda onyń daıyn joldorbasy bolýy kerek, eger qaýip tónse, ony alyp, qashyp kete alady. Kóbine er adam bir ret jaýapqa tartylǵannan keıin óz-ózin ustaýdy úırene bastaıdy. Iаǵnı, óz problemańyzdy arnaıy organdarǵa jetkizińiz. Biz árqashan aıtamyz, qujattardy úıde saqtamańyz, kóshirmeler jasańyz. Bolýy múmkin qıyn jaǵdaı úshin aǵymdaǵy shot pen depozıt ashyp, onda aqsha únemdeńiz", - dep túsindiredi A.Ryl.

Agressııanyń sebebi – adamnyń dúnıetanymy. Bul máseleni qoǵamda joıý úshin erte jastan aldyn-alý qajet: balalar ózderiniń quqyqtaryn, basqalardyń quqyqtary men mindetterin túsinýi kerek. Psıhologtyń kómegi otbasyn saqtaýǵa qandaı jaǵdaılarda kómektesetinin Nur-Sultan qalasy ákimdiginiń resmı Instagram paraqshasyndaǵy tikeleı efırden bilýge bolady.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar