Jedel jetken avtopatrýlge meıramhana qyzmetkerleri esik ashpaǵan. Qosymsha kúshter kelip, esikti ashýǵa májbúr etýge týra kelgen. Saýyq meıramhananyń barynda oryn alǵan eken. Ondaǵy "qonaqtar" Birinshi polısııa bólimine jetkiziledi. Surastyrý barysynda karaoke-barǵa kelgender 1989 jyly týǵan qala turǵynynyń týǵan kúnin atap jatqan.
Qazir karantındik sharalardy buzǵany úshin ár kelýshige qatysty materıal jınalyp jatyr. Keıin ol Ákimshilik kodekstiń "Halyqtyń sanıtarııalyq-epıdemııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý" baby boıynsha jaýapkershilikke tartý úshin Taýarlar men qyzmetterdiń sapasyn baqylaý departamentine jiberiledi. Atalǵan kóńil kóterý ornynyń ıesine qatysty zańnamamen kózdelgen sharalar qabyldanady.
SQO PD bastyǵynyń birinshi orynbasary, polısııa polkovnıgi Qanat Aıtbaevtyń aıtýynsha, oblys aýmaǵynda 20 shildeden bastap sanıtarlyq-epıdemııalyq normalardyń saqtalýyn qadaǵalaý jáne monıtorıngileý jónindegi qurylǵan toptar jumys isteýde. Olardyń quramynda ákimdik, prokýratýra, polısııa jáne sanıtarlyq-epıdemııalyq qyzmet mamandary bar.
"Osyndaı is-qımyldyń nátıjesinde sońǵy úsh aptada Soltústik Qazaqstan oblysynda sanıtarlyq-epıdemııalyq salamattylyǵy salasyndaǵy zańnama talaptarynyń 642 buzýshylyǵy anyqtaldy. 253 buzýshylyq – oblys ortalyǵynda, 389-y aýdandarda", dedi polısııa polkovnıgi.
