Nur-Sultanda saýda ortalyqtarynyń, qonaqúılerdiń, kafelerdiń, meıramhanalar men dúkenderdiń daıyndyǵy tekserildi. Ákimdik ókilderi sanıtarlyq dárigerlermen birigip, "Han Shatyr" OSO, "Tehnodom", "Mır keramıkı" dúkenderine, "Ferým" kafesine jáne "Aısha bıbi" apart-qonaqúıine tekseris júrgizdi. Top sanıtaızerler, araqashyqtyq belgileri, maskalar, qolǵaptar, teplovızor men qonaqtardyń temperatýra jýrnalynyń bolýyn tekserdi.
"Aralaý barysynda bıznestiń karantınnen keıin ashylýǵa daıyndyǵyn tekserdik. Karantın sharalary halyqtyń qaýipsizdigin qamtamasyz etýge baǵyttalǵan. Qazirgi ýaqytta statıstıka túzelip keledi. Sondyqtan QR Prezıdenti janyndaǵy komıssııada osy suraq qaralý ústinde. Komıssııanyń tıisti sheshiminen keıin qalada bıznes nysandary ashylatyn bolady", dedi Nur-Sultan qalalyq ınvestısııalar jáne kásipkerlikti damytý basqarmasynyń basshysy Erlan Bekmýrzaev.
Esterińizge sala keteıik, Qazaqstanda koronavırýs ınfeksııasymen aýyrý deńgeıi aıtarlyqtaı tómendedi. Osyǵan baılanysty karantın sharalaryn kezeń-kezeńimen alý jospary Memlekettik komıssııada qaralýda.
Buǵan deıin Nur-sultan qalasy ákiminiń orynbasary Baqtııar Máken qala karantınnen keıingi kezeńge daıyndalyp jatqanyn jáne jumys oryndarynda dezınfeksııa júrgizýge erekshe nazar aýdarý qajettigin atap ótken bolatyn.
Qala ákimi Altaı Kólginov Nur-Sultan turǵyndaryn karantın toqtatylǵannan keıin de saq bolýǵa shaqyrdy.
Sonymen qatar, JRVI-diń maýsymdyq kezeń eskerilip, daıyndyq jumystary júrgizilýde. Medısınalyq mekemelerge qosymsha medısınalyq jabdyqtar kelip tústi: 600-den astam flýometr, 500-ge jýyq ottegi konsentratory, 500 arnaıy arba, ókpeni jasandy jeldetý apparaty jáne KT. Jedel medısınalyq kómek vagondary jetkiziledi dep kútilýde. Eki apta ishinde qalaǵa 110 tonnadan astam dári jetkizildi. Bul jumystar júıeli túrde júrgiziledi.
