"Shymkent" ÁKK" AQ tóraǵasy Baýyrjan Kankınniń aıtýynsha, osy kúnge deıin josparlanǵan 66 jobanyń 32-si júzege asqan. Qalǵan 31 joba jasalý ústinde eken. Al 3 joba naqtylanyp jatyr. Onyń ishinde, úı qurylysy – 9, bilim - 9, densaýlyq saqtaý – 6, saýda núkteleri – 13, shaǵyn jáne orta bızneske qatysty – 6, óndiris – 16, agro ónerkásip kesheni boıynsha – 7 joba.
Qala basshysy atalǵandardyń ishinde eń birinshi bilim jáne densaýlyq saqtaý salasyna negizgi basymdylyq berilý kerektigin atap ótti. Sonymen qatar, jıyn barysynda ınvestorlar tartý, shaǵyn jáne orta kásipkerlikti damytý máselesin sóz etken Murat Áıtenov, "Shymkent" ÁKK" jumysyna kóńili tolmaıtynyn jetkizdi.
"Kásipkerler menimen kezdesý kezinde qaǵazbastylyq jumystaryna narazylyqtaryn bildiredi. Ondaı jumysty jeńildetý úshin bir tereze qaǵıdaty boıynsha kásipkerlerge qyzmet kórsetetin arnaıy front-ofıs ashqan bolatynbyz. Jergilikti kásipkerlerdiń sol jerde barlyq suraǵy qanaǵattandyrylyp, kásibin bastaýǵa tolyǵymen kómek alýy qajet edi. Búginde atalǵan mekeme jumysynyń nátıjesi kórinbeıdi", dedi ol.
Sondaı-aq, jıyn sońynda qala ákimi ınvestorlar esebinen paıdalanýǵa beriletin turǵyn úı kólemin jylyna 1 mln sharshy metrge deıin ulǵaıtýdy, turǵyn úı qurylysyna kepildik berý qorymen birlesken baǵdarlama ázirleýdi, "1000 saýda orny" jobasyn iske asyrýdy jedeldetýdi tapsyrdy.
