Dástúrli konferensııa pandemııa jylynda alǵash ret onlaın formatta uıymdastyrylyp, nátıjesinde alǵash ret NIS júıesindegi barlyq ustazdar qatysýǵa múmkindik aldy. Bilim berýdiń jańa mindetteri men tyń máselelerine jalpy 3500 qatysýshy qosyldy: Zııatkerlik mektepterdiń pedagogtary, ata-analar komıtetiniń, Bilim jáne ǵylym mınıstrligi men bilim berý departamentteriniń, seriktes uıymdardyń ókilderi.
"Nazarbaev Zııatkerlik mektepteri" DBBU Basqarma tóraıymy Kúlásh Shamshıdınovanyń basty baıandamasy qazirgi bilim berýdiń jańa jaǵdaılary men jańa múmkindikterine baǵyttaldy. Sonymen qatar, plenarlyq otyrysta Bilim berý baǵdarlamalary ortalyǵy dırektorynyń orynbasary Zýhra Shegenova men Pedagogıkalyq ólsheýler ortalyǵynyń dırektory Aıdana Shılıbekovanyń qashyqtan oqytý jaǵdaıynda fýnksıondaldyq saýattylyq pen baǵalaýǵa júıesin damytýǵa basa nazar aýdarylǵan baıandamalary tyńdaldy. DBBU Qamqorshylyq keńesiniń múshesi Pıter Mehıstonyń "Birge oqytamyz" taqyrybyndaǵy baıandamasy konferensııaǵa qatysýshylardyń úlken qyzyǵýshylyǵyn týdyrdy.
"Qashyqtan oqytý – jańa qalyptylyq" taqyryptyq alańynda kún tártibindegi basym baǵyttar talqylandy: zertteýshilik jáne ádistemelik qoldaý, medısınalyq-sanıtarııalyq jáne psıhologııalyq súıemeldeý, toptyq ózara árekettesý, qashyqtan oqytý jaǵdaıyndaǵy bıohakıng. Alǵashqy onlaın tamyz konferensııasynda qatysýshylardyń pedagogtyń sıfrlyq etıketin ujymdyq taldaýy zańdy boldy.
О́tken jyly alǵash ret engizilgen "Úzdik tájirıbeler panoramasy" óz ataýyn tolyqtaı aqtaı bildi, bıyl da onlaın kórmede Zııatkerlik mektepterdiń tájirıbesinen alynǵan úzdik keıster kórinis tapty.
Tamyz konferensııasynyń alty taqyryptyq alańdaǵy jumysy kásibı sheberliktiń tıimdi sabaqtaryna aınaldy. Pán muǵalimderi derbes bilim berý, baǵalaý quraldaryn ázirleý, ata-analarmen yntymaqtastyq ornatý, qolaıly jáne qaýipsiz mektep ortasyn qurý jáne ózge de ózekti basymdylyqtar aıasynda bilimderin keńeıtti.
Qalyptasqan dástúr boıynsha Zııatkerlik mektepterdiń muǵalimderi kásibı jetistikteri úshin Bilim jáne ǵylym mınıstrligi men derbes bilim berý uıymynyń tarapynan marapattarǵa ıe boldy.
Tamyz konferensııasynyń barlyq baıandamalary men kásibı keısteri búginde Nazarbaev Zııatkerlik mektepteriniń barsha ǵalamtor platformalarynda qoljetimdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
