Qoǵam • 20 Tamyz, 2020

Erlan Saırov: Jaqtastar lıgasy praımerızdiń ashyq jáne ádil ótýine qoǵamdyq baqylaý jasaıdy

29 ret kórsetildi

"Nur Otan" partııasy Jaqtastarynyń lıgasy partııa Tóraǵasynyń birinshi orynbasary Baýyrjan Baıbekpen bolǵan kezdesýde praımerız múmkindikterin talqylady. Kezdesý barysynda táýelsiz birlestikterdiń, onyń ishinde óńirlerden kelgen 50-den astam ókil suraqtaryn qoıyp, "Nur Otan" partııasynyń praımerızin uıymdastyrý boıynsha usynystaryn da ortaǵa saldy, - dep habarlaıdy Egemen.kz.

Eýrazııalyq ıntegrasııa ınstıtýtynyń basshysy Erlan Saırovtyń aıtýynsha, búginde búkil álemde adamdardyń túrli saıası ınstıtýttarǵa degen senimi tómendep ketken. "Nur Otan" jańa jáne belsendi adamdarǵa arnalǵan partııalyq "áleýmettik lıfttiń" naqty tetigin iske qosý arqyly óziniń halyqtyq partııa ekenin kórsetip otyr.

"Qazir – ózgerister zamany. Dúnıejúzindegi, onyń ishinde Amerıka qurama shtattaryndaǵy, Eýropadaǵy, ózimizben kórshiles Belorýssııadaǵy jaǵdaıdy barlyǵymyz kórip otyrmyz. Ol bizge de áser etedi. Bul bizge de ózgeristerdi tezirek jasaý kerektigin sezdiredi. Sondyqtan meniń oıymsha, qazirgi kezde patrıot azamattar men eń basty saıası kúshterdiń barlyǵy elimizdegi prosesterdiń evolıýsııalyq turǵyda damýyna óz úlesterin qosqysy keledi. Qazaqtyń óte jaqsy bir maqaly bar, "Sel ótedi, tas qalady" deıdi. Saıası prosester ótedi biraq bizdiń memleketimiz qalýy kerek. Qazaqtyń bir-aq qundylyǵy bar, ol – qazaqtyń memleketi. Meniń oıymsha, saıasatqa kelgen azamattardyń barlyǵy eń birinshi osyny este ustaýy kerek. "Nur Otan" praımerızi – bul jalpy eldiń saıası júıesin ózgertýdegi mańyzdy qadam ekenine senimdi bolǵandyqtan da, biz birigýdi jón kórdik. Partııanyń Jaqtastar lıgasy praımerızdiń ashyq jáne ádil ótýine qoǵamdyq baqylaý jasaıdy. Búkil el oń ózgeristerge múddeli", – deıdi ol.

Is-sharaǵa barlyq óńirlerden 50-den astam táýelsiz birlestikterdiń ókilderi qatysty, olardyń arasynda Erlan Saırov, Baǵdat Qojahmetov, Álııa Sadyrbaeva, Marat Shıbýtov, Maral Erǵazına, Ilmar Hýsaınov bar.

Esterińizge sala keteıik, kandıdattardy usyný jáne tirkeý 17 tamyzda bastaldy jáne ol 28 tamyzǵa deıin jalǵasady. Úgit-nasıhatqa daıyndalý úshin kandıdattarǵa 31 tamyzdan 6 qyrkúıekke deıin 7 kún bólinedi. 7 qyrkúıek pen 3 qazan aralyǵynda kandıdattardyń úgit-nasıhat jumystary, sonyń ishinde 14-30 qyrkúıek aralyǵynda kópshilikke jarııa debattar ótedi. Debattar "Praımerız" arnaıy aqparattyq júıesi arqyly partııanyń resmı akkaýnttarynda kórsetiledi.

Tolyq aqparatty https://primaries.kz/ saıtynan bilýge bolady.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Bılikten ketkisi joq

Álem • Keshe

Venesııadan nesi kem?

Qoǵam • Keshe

Jaýaby joq jumbaq taǵdyr

Ádebıet • Keshe

Aınalma joldyń azaby

Aımaqtar • Keshe

Uqsas jańalyqtar