"Shyǵyndar qurylymynda áleýmettik sektordyń úlesi 50,4% quraıdy. Máselen, 2021 jyly áleýmettik salaǵa 7 trln teńge josparlanǵan, ol 2020 jylǵa qaraǵanda 454 mlrd teńgege ósedi. Jyl saıynǵy ındeksteýge jáne zeınetaqy men járdemaqy alýshylar kontıngentin ulǵaıtýǵa kelesi jylǵa qosymsha 265 mlrd teńge qarastyrylǵan", deıdi Erulan Jamaýbaev.
Qarjy mınıstriniń aıtýynsha, Prezıdenttiń pedagogter men dárigerlerdiń jalaqysyn arttyrý arqyly olardyń mártebesin kóterý jónindegi tapsyrmalaryn iske asyrý boıynsha barlyq is-sharalar josparlanǵan.
Sondaı-aq ekonomıkanyń naqty sektoryn damytýdy qoldaýǵa 2021 jylǵa 1,7 trln teńge qarastyrylǵan. Osy qarajat aıasynda "Nurly Jol", "Nurly Jer", agroónerkásiptik keshendi damytý, IIDMB, BJK-2025 jáne basqa da memlekettik baǵdarlamalardy iske asyrý jalǵasatynyn aıtyp ótti.
Budan bólek, 2021 jyly óńirlerge respýblıkalyq bıýdjet qarajaty esebinen 3,8 trln bólinetinin habarlady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
