Demeýshilik kómekti JOO-nyń enshiles uıymy – Nazarbaev Ýnıversıtetiniń "Áleýmettik damý qory" kórsetti. Qorǵanys kostıýmderiniń jıyntyǵyna bas kıim, joǵary aıaq kıim, medısınalyq qolǵap, FFP2/N95 respıratory jáne qaýipsizdik kózildirigi kiredi. Demeýshilik kómek Nazarbaev Ýnıversıteti qoǵamdastyǵynyń yntymaqtastyq bastamasy – NÝ qyzmetkerleriniń, oqytýshylary men túlekteriniń qoldaýymen pandemııamen kúresýgekómek kórsetý úshin qurylǵan joba sheńberinde kórsetildi.
Nazarbaev Ýnıversıtetiniń Joǵary bıznes mektebi túlekteriniń qaýymdastyǵy bul qoldaýdyń operatory bolyp tabylady. Bastamaǵa qatysýshylar medısına qyzmetkerleri men olardyń otbasylaryn qoldaý úshin qarajat jınaıdy, olar keıinnen elimizdiń óńirlerindegi medısınalyq mekemelerge kómek kórsetý úshin bólinedi.
"COVID-19-men kúresýshilerdi jeke qorǵanys quraldarymen qamtamasyz ete otyryp, biz medısına qyzmetkerlerine aldyńǵy qatarly, ıaǵnı dárigerlerge, medbıkelerge, tehpersonalǵa olardyń ıgi eńbekteri úshin alǵys retinde qoldaý kórsetýge tyrysamyz. Osy jyldyń mamyr aıynan bastap Nazarbaev Ýnıversıteti qoǵamdastyǵynyń yntymaqtastyq bastamasy sheńberinde aýrýhanalar úshin jeke qorǵaný quraldaryn usyný, Qyzylorda, Shymkent, Taraz, Túrkistan, Qaraǵandy, Pavlodar jáne Nur-Sultan qalalarynda medısınalyq qyzmetkerlerdiń otbasylaryna tamaqpen qamtamasyz etý jáne qoldaý kórsetýtúrinde kómek kórsetildi. Biz bul jumysty ári qaraı da osyndaı kómek qajet bolǵansha jalǵastyramyz", - dep atap ótti NÝ Joǵary bıznes mektebitúlekteri qaýymdastyǵynyń atqarýshy dırektory Ásel Aımýsheva.
Pandemııa kezinde dárigerlerge eriktiler retinde belsendi kómektesken, "Dárigerlerge arnalǵan túski as" jobasy aıasynda medısına qyzmetkerlerin tamaqpen qamtamasyz etip jáne Qazaqstan men TMD dárigerlerine aqparattyq qoldaý kórsetetin, Medsupportkz jobasy aıasynda aǵylshyn tilinen koronavırýs týraly zerttelgen jáne aýdarylǵan ǵylymı maqalalardy jarııalaıtyn ýnıversıtet stýdentteri men túlekteri de shette qalmady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
