Elorda • 26 Tamyz, 2020

Elordada Konstıtýsııanyń 25 jyldyǵyna oraı qandaı is-sharalar ótedi?

488 ret kórsetildi

Konstıtýsııa kúnine arnalǵan is-sharalar onlaın formatta uıymdastyrylady. Bul týraly Nur-Sultan qalasy ákimdiginiń baspasóz qyzmeti habarlaıdy, - dep jazady Egemen.kz

Nur-Sultanda Qazaqstan Respýblıkasy Konstıtýsııasynyń 25 jyldyǵyna arnalǵan is-sharalar jospary bekitildi. Atap aıtsaq, 10-29 tamyzda "Konstıtýsııa bostandyqtyń kepili" án chellendji bastalady.

14 tamyz kúni Ál-Farabı atyndaǵy oqý-tárbıe ortalyǵynyń ashylý saltanaty bolady. Ortalyqtandyrylǵan kitaphanalar júıesi 15-31 tamyz aralyǵynda ıllıýstrasııalyq kitap – onlaın-ınstallıasııa usynady. Al, 25 tamyzda "Men óz quqyǵymdy bilemin" atty balalar sýret saıysy ótedi. 26 tamyzda Ál-Farabı atyndaǵy oqýshylar saraıynda "Ata zańym – ardaǵym" aqyndar saıysy uıymdastyrylsa,

Nur-Sultan qalasynyń Memlekettik arhıvi 27 tamyz-4 qyrkúıek aralyǵynda Konstıtýsııanyń 25 jyldyǵyna arnalǵan kórme ótkizedi. 28 tamyz kúni "Naz" memlekettik bı teatry "Ata zań – eldiń aıbyny, erkindigi, baılyǵy" atty onlaın konsert qoıady.

Sondaı-aq 28 tamyzda "Halyq dop" boıynsha "Elordalyq balalar – sporttyq aýysym" atty chempıonat ozdyrylady. 29-30 tamyzda áleýmettik jaǵdaıy tómen otbasylarǵa arnalǵan EMB qaıyrymdylyq sharalary uıymdastyrylady. "Jastar teatry" 30 tamyz kúni áleýmettik jeliler arqyly "Aıbarly asqar eldi asqaqtatar Ata Zań" atty onlaın-konsert tartý etedi. Dál sol kúni "Nomad" teatry akterleri patrıottyq ándermen onlaın quttyqtaý joldaıdy.

30 tamyzda elordalyq fılarmonııa ártisteri Astana konsert zalynda Konstıtýsııa kúnine arnalǵan konsert ótkizedi. Sondaı-aq, Konstıtýsııanyń 25 jyldyǵyna arnalǵan dóńgelek ústel otyrysyn ótkizý, "Qazaqstan Respýblıkasynyń Konstıtýsııasyna 25 jyl", "Qazaqstan halqynyń Assambleıasyna 25 jyl" mereıtoılyq medaldarymen qoǵam belsendilerin marapattaý josparlanýda.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar