Premer-Mınıstrdiń orynbasary Roman Sklıar óz sózinde Germanııadan kelgen áriptesterdi básekege qabilettilikti arttyrý, ınvestorlarǵa naryqtyq jaǵdaı jasaý, salanyń kásibı jáne tehnologııalyq deńgeıin arttyrý maqsatynda Qazaqstan Úkimetiniń geologııa jáne jer qoınaýyn paıdalaný salasyndaǵy reformalary týraly habarlady. R. Sklıar daǵdarystan keıingi damý jaǵdaıynda ekonomıkany ártaraptandyrý jáne jańa ındýstrııalyq óndiristerdi qurý máselelerine erekshe nazar aýdarylatynyn atap ótti. Bul baǵyttaǵy belsendi jumys 2012 jylǵy 8 aqpanda QR Tuńǵysh Prezıdenti N.Á.Nazarbaevtyń GFR-ǵa sapary aıasynda qol qoıylǵan "Qazaqstan men Germanııa arasyndaǵy shıkizat, ónerkásip jáne tehnologııalyq salalardaǵy áriptestik týraly" úkimetaralyq kelisim sheńberinde júrgizilýde.
TMK salasyndaǵy ınvestısııalyq áleýetti Pavlodar jáne Qaraǵandy oblystary ákimderiniń orynbasarlary tanystyrdy. Oǵan ındýstrııa jáne ınfraqurylymdyq damý, ekologııa, geologııa jáne tabıǵı resýrstar mınıstrlikteriniń, SIM Investısııalar komıtetiniń jáne "KAZAKH INVEST" UK" AQ basshylary qatysty. Nemis tarapynan Germanııa ekonomıkasy Shyǵys komıtetiniń basqarýshy dırektory Mıhael Harms sóz sóıledi. Ol shıkizattyq yntymaqtastyqta ekijaqty ekonomıkalyq baılanystardy kúsheıtýdiń, ónimdi óndirý jáne qaıta óńdeý boıynsha birlesken jobalardy iske asyrýdyń mańyzdylyǵyn atap ótti.
GFR Úkimetiniń shıkizat yntymaqtastyǵy jónindegi ýákili Tomas Gekle eki eldiń saýda-ekonomıkalyq jáne ınvestısııalyq ózara is-qımylynyń ózektiligin atap ótti. Qazaqstanda TMK-ny damytýǵa qatysý perspektıvalaryna German ónerkásibi Federasııasynyń (BDI) ókili Mattıas Vahter, "Hermann Paus Maschinenfabrik GmbH" basqarýshy dırektory Frans-Iozef Paýz jáne EQDB Qazaqstandaǵy ókildiginiń basshysy Agrıs Preımanıs erekshe nazar aýdardy. Shara sońynda "suraq-jaýap" formatynda pikirtalas ótti. Onda qatysýshylar praktıkalyq máselelerdiń iske asyrylý barysyn talqylady, bolashaqta osyndaı kezdesýlerdi turaqty ótkizýdi jalǵastyrý týraly kelisimge qol jetkizildi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
