Kıno • 28 Tamyz, 2020

Avto-kınoteatr ashyldy

240 ret kórsetildi

Koronavırýs pandemııasy kıno salasyna edáýir soqqy ja­saǵany anyq. Elimizden bólek, álem boıynsha qanshama kıno­teatrlar qańyrap, óz kórermenderin áli de saryla kútýde.

Avto-kınoteatr ashyldy

Ne istemek kerek? Elorda­lyqtar bul máseleni ashyq aspan astyndaǵy kınoteatrmen sheshýge talpynady. Budan bylaı astyńyzda kóligińiz bolsa, jańa fılmderdi dalada tamashalaýǵa bolady. Alaıda avto-kınoteatr aýmaǵyna ke­lý­­shiler barlyq sanıtarlyq nor­many qatań ustanýy tıis.

Nur-Sultan qalasynda kóp­shiliktiń kóńilinen shyq­qan ashyq aspan astyndaǵy kınoteatr jobasy kó­rermen­dermen osylaı qaıta qaýy­shýda. Jýyr­da daladaǵy avto-kı­note­atr formatynda bolatyn Nur-Sultan Auto-cinema Festival qaıta jandanyp, qala turǵyn­dary men qonaqtary kınoteatr­dan sheteldik nemese otandyq kıno kartınalardy tegin tamashalaı bastady.

Uıymdastyrýshylar epı­demıologııalyq jaǵdaıdy es­kerip, adam qatynasynsyz tis­kebasarlar men salqyn shy­ryndar jetkizýdi de oılas­tyrǵanyn aıta ketken jón.

«Avto-kınoteatr aýmaǵyna kelýshiler barlyq sanıtarlyq normalardy ustanýy tıis, ózimen birge medısınalyq betberde men qolǵaptardyń bolýy, áleýmettik araqashyqtyqty us­­tanǵany jón», deıdi uıym­dastyrýshylar.

Atalǵan nysan «Astana Arena» stadıonynyń Qa­ban­baı batyr dańǵylyna qa­raıtyn kólik turaǵynda orna­lasqan.