Jıynda eki másele qaraldy. Oblys ákiminiń orynbasary Naýryzbaı Baıqadamov halyqty jumyspen qamtý baǵytynda 8 aıda atqarylǵan jumystardyń qorytyndysyn baıandap, negizgi kórsetkishterdi atap ótti.
Jyl basynan 8 aı ishinde «Jumyspen qamtý» baǵdarlamasyna qatysýshy retinde 23246 adam belsendi sharalarmen qamtylǵan. Tehnıkalyq jáne kásiptik daıarlaý jumystaryna 1515 adam joldanǵan. Qysqa merzimdi oqytýǵa 1000 adam josparlanǵan, onyń 830-y qamtylyp, jospar 83 paıyzǵa oryndalǵan.
Oblys ákimi Gúlshara Ábdiqalyqova memlekettik baǵdarlamalardy oryndaý arqyly mejeli ındıkatorǵa jetý qajettigin atap ótip, qysqa merzimdi kýrsty oqyǵan azamattardyń 75 paıyzy turaqty jumyspen qamtylýy tıis dedi.
О́ńirde jappaı kásipkerlik damytý baǵytynda «Bastaý Bıznes» jobasy boıynsha 2150 adam oqytý kózdelse, búgingi kúni 2113 adam qamtylǵan. Al, kásipkerlerdiń bastamalaryn qoldaý maqsatynda 824 adamǵa shaǵyn nesıe berý josparlanǵan. Aımaq basshysy atalǵan eki baǵytty oryndaýda birqatar aýdandardyń jumysyn jandandyrý tıis ekenin aıtty.
"Azamattarǵa shaǵyn nesıe berý arqyly kásipkerlerdi qoldaýymyz kerek. 9 aıdyń qorytyndysymen qala jáne aýdandardyń kórsetkishi 80 paıyzdan tómen bolmaýy kerek. Al, jumyspen qamtýdyń belsendi sharalaryn aıaqtaǵannan keıin azamattardyń turaqty jumysqa ornalastyrý deńgeıi 60 paıyzdan tómen bolmaýy tıis. Qala, aýdan ákimderi, tıisti sala basshylary jumys berýshilermen tyǵyz jumys jasańyzdar", - dedi oblys ákimi.
Jıynda bos jumys oryndaryna mamandardy tartý máselesi de aıtyldy. Oblys ákimi bos jumys oryndary zańǵa sáıkes elektrondy eńbek portalynda kórsetilýi tıis, alaıda kóp jaǵdaıda adamdar syrttaı jumysqa qabyldanyp jatqanyn, máseleni tez arada retteýdi tapsyrdy. Sondaı-aq, jańa jumys oryndaryn ashyp, ıntergasııalyq kartaǵa engen jumys oryndary boıynsha júıeli jumys júrgizýdi qolǵa alý qajet dedi.
Otyrysta qaralǵan ekinshi másele – mindetti áleýmettik medısınalyq saqtandyrý isiniń oryndalýy.
Medısınalyq uıymdarǵa tirkelgen turǵyndardyń mártebesin aıqyndaý jumystaryna qatysty «Áleýmettik medısınalyq saqtandyrý qory» kommersııalyq emes aksıonerlik qoǵamy Qyzylorda oblysy boıynsha fılıalynyń dırektory Bahyt Ismahanbetov baıandama jasady.
Jıynda oblys ákimi halyqty belsendi túrde mindetti áleýmettik medısınalyq saqtandyrý isine tartyp, sharttardy túsindirip, áli de saqtandyrylmaǵan azamattardy qamtý qajettigin qaperge saldy. Sonymen birge shaǵyn jáne orta bıznes sýbektilerin saqtandyrý isine ózektendirý qarqyndy júrýi kerek dedi.
Bıyl óńirde «Qupııa pasıent» baǵdarlamasy engizilip, oblystaǵy 21 emhana men 7 stasıonardyń call-ortalyqtary men tirkeý bólimderine qońyraýlar jasalǵan. Munan bólek, «Qoldau-24/7» mobıldi qosymshasy ázirlendi. Qoymsha arqyly turǵyndar MÁMS júıesine baılanysty tolyq aqparat alyp, medısıanylyq mekemeniń qyzmeti úshin shaǵym qaldyra alady.
Kún tártibindegi máselelerdi qaraı kele, oblys ákimi oblystyq kásipkerlik jáne týrızm basqarmasy, óńirlik kásipkerlik palatasy, oblystyq memlekettik kirister departamentimen birlesip, salyqtyq tólemnen bosatylǵan jaldamaly jumysshylardyń málimetterin aqparattyq júıege engizýdi tapsyrdy. Sonymen birge oblystyq densaýlyq saqtaý basqarmasy men «Áleýmettik medısınalyq saqtandyrý qorymen» birlesip, mindetti áleýmettik medısınalyq saqtandyrý júıesinde saqtandyrylmaǵan turǵyndardyń mártebesin tolyq ózektendirýdi mindettedi.
Oblys ákimi otyrys barysynda aıtylǵan tapsyrmalardyń oryndalýyn úılestirýdi oblys ákiminiń orynbasary Naýryzbaı Baıqadamovqa taspyryp, atalǵan másele jeltoqsan aıynda qaıta qaralatynyn nazarǵa saldy.
