Bul ǵımarat jumysy toǵyz jyl boıy dińkeletip keledi. Áli de jalǵasatyn túri bar
Petropal qalasynyń óńin ketirip, suryn qashyryp turǵan «saqaldy» qurylystar az emes. Solardyń biri «Dostyq» alańynda ornalasqan. Búginde 3500 sharshy metr aýmaqty alyp jatqan qurylys alańy óli tynyshtyqqa uqsaıdy. Bas merdiger «Batys Real Grýp» JShS saýda zaly, kınoteatr, neke zaly bar saýda-oıyn-saýyq kesheniniń qurylysyn 2004 jyly bastap, 3 jyldan keıin izim-qaıym joǵalǵan. Sodan beri jergilikti bılik oryndary qansha izdestirse de, taptyrmaı keledi.
Bul ǵımarat jumysy toǵyz jyl boıy dińkeletip keledi. Áli de jalǵasatyn túri barPetropal qalasynyń óńin ketirip, suryn qashyryp turǵan «saqaldy» qurylystar az emes. Solardyń biri «Dostyq» alańynda ornalasqan. Búginde 3500 sharshy metr aýmaqty alyp jatqan qurylys alańy óli tynyshtyqqa uqsaıdy. Bas merdiger «Batys Real Grýp» JShS saýda zaly, kınoteatr, neke zaly bar saýda-oıyn-saýyq kesheniniń qurylysyn 2004 jyly bastap, 3 jyldan keıin izim-qaıym joǵalǵan. Sodan beri jergilikti bılik oryndary qansha izdestirse de, taptyrmaı keledi.Jeti qat aspanǵa ushyp ketti me, álde jerdiń jaryǵyna kirip ketti me, belgisiz. Tek bıyl ǵana «biz barmyz, esen-saýmyz» degendeı tiri jannyń meziretin jasapty. Alpaýyt fırmanyń aldynda jergilikti sáýlet jáne qurylys basqarmalarynyń basshylary dármensiz. Tisteri batar emes. Jarym-jartylaı ǵana boı kótergen qurylys kesheni zil qara tastaı melshıgen kúıinde tur. Sol sııaqty Pogodın atyndaǵy orys drama teatry janynda salynýǵa tıisti 64 páterli kóp qabatty turǵyn úıdiń irgetasy ǵana órilip, qalqaıyp turǵanyna talaı jyl. Onyń qurylys jumystaryna jaýapty «Almaty Haıt Haýs» kompanııasy da iz sýytqan.
Jer telimderin sot arqyly qaıtaryp alýǵa tıisti oryndar qulyqsyz. Temirjol mańaıyndaǵy ıesiz qalǵan jer telimderin kommýnaldyq menshikke qaıtarý úshin baqandaı 3 jyl júrgen. Qaǵazbastylyqtan, sot prosesterinen ábden zárezap bolǵandary baıqalady. Petropavl qalasynyń burynǵy ákimi Vladımır Nıkandrov shúlen taratqandaı ońdy-soldy zańsyz úlestirgen jer telimderin kommýnaldyq menshikke rásimdeý mashaqatyn keıingilerdiń kórip otyrǵan jaılary bar. Jer ınspeksııasy 40-qa jýyq sheshimniń zańǵa qıǵash, bas josparǵa sáıkessiz, tıisti oryndarmen kelispeýshilik sekildi talaı bura tartýshylyqtardy anyqtaǵan. Demek, «saqaldy» qurylystardyń jyry áli taýsylmaıdy degen sóz.
О́mir ESQALI,
«Egemen Qazaqstan».
Soltústik Qazaqstan oblysy.
Sýretti túsirgen Talǵat TÁNIBAEV.
