Qoǵam • 03 Qyrkúıek, 2020

HQO-da qosylǵandar (Jyl saıyn bul mekemede 25-30 jup otaý qurady)

260 ret

kórsetildi

1 mın

oqý úshin

Halyqqa qaltqysyz qyzmet etip otyrǵan «Azamattarǵa arnalǵan úkimet» memlekettik korporasııasynyń qashanda sharýasy shash etekten. Bul mekeme memlekettiń búkil qujattaryn rettep, rásimdep qana qoımaı, talaı jastardyń mahabbatynyń kýási bolyp, qazaqstandyq jas otbasylar qataryn kóbeıtýge óz úlesin qosyp keledi.

Aınash ESALI

HQO-da qosylǵandar (Jyl saıyn bul mekemede 25-30 jup otaý qurady)

Oǵan dálel, jyl saıyn Almaty fılıalynyń ózinde 25-30 otbasy qurylyp jatady. Bıyl da mahabbattyń qudiret kúshimen jup bolyp, otaý tigip jatqandar bar.

«Almaty qalasy fılıalynyń ózinde, onyń barlyq aýdandaryndaǵy front-ofıster men bek-ofısterinde, mamandandyrylǵan HQO-larynda 2 myńǵa jýyq maman jumys isteıdi. Onyń 70 paıyzy jastar. Joǵary oqý oryndary men kolledjderden mamandyq alǵan jastar, eńbek jolyn HQO-larda bastap jatady. Árıne, otbasylyq ómirleri de osy jerden bastalatyndar az emes. Osy kúnge deıin fılıal 100-ge jýyq otbasynyń tusaýyn kesti», deıdi fılıal dırektory Danııar Qyryqbaev.

Baqytyn «Azamattarǵa arnalǵan úkimetten» tapqan sondaı juptardyń biri – Ǵúnarı Matsýba men Lázzat Bashkeeva. Olardyń HQO-da jumys istegenderine 10 jylǵa jýyqtaǵan. Osy jyldar ishinde bir-birine degen mahabbaty men senimi nyqtalǵan jastar shańyraq kóterip, otaý qurdy.

ALMATY