EO Keńesine tóraǵalyq etetin Germanııa vızasyz Shengen aımaǵyndaǵy tutastyqty saqtap, ótken jolǵy qoıylymnyń qaıtalanýyna jol bergisi joq. Sondyqtan, EO-ǵa múshe elderdiń keıbiri ózderiniń shekaralaryn jabýdy bastady.
Máselen, Vengrııa osy seısenbiden bastap, barlyq shetel azamattaryna elge kirýge tyıym salsa, Danııa sáýir aıynda-aq basqa eldiń týrısterine shekteý qoıdy. Osy qatarǵa Fınlıandııa, Ispanııa men Fransııany kirgizýge bolady.
Birqatar el EO-da mindetti karantın rejiminiń engizilmegenine jáne testileýge qatysty naqtylyqtyń joqtyǵyna narazy. Degenmen, Eýroodaqqa múshe árbir el ózi sheshim qabyldaıdy.
Bul jaǵdaıda Germanııa shekarany ashýdaǵy talpynysy – sarapshylardyń qyzý talqysynda júr.
"Eýroodaqqa múshe eldiń azamattary basqa elde turýǵa quqyǵy bar jáne sol jaǵdaıdy elmeıtin memleketter de bar. "Shengen shekarasy kodeksinde" naqty erejeler bekitilgen. Aıtylǵan zańdylyqtardyń qarama-qaıshylyǵynda ǵana Úkimet arnaıy sheshim shyǵara alady", deıdi Eýropalyq saıasatty zertteý ortalyǵynyń ókili Serdjıo Karrera.
