Tabıǵı apatqa baılanysty 200 myńnan astam adam evakýasııalandy. Fabrıkalar men mektepter, sondaı-aq túrli kásipter jabyldy. Japonııa boıynsha júzdegen áýe jáne temir jol reısi toqtatyldy.
Tropıkalyq daýyl ákelgen qatty jańbyr Mııadzakı prefektýrasynda kóshkinniń paıda bolýyna sebep bolyp, taýly aımaqtaǵy bir úı qırady. Onda bolǵan tórt adam, onyń ishinde Vetnamnyń eki azamaty habar-osharsyz ketken.
Sondaı-aq Kıýsıý ońtústik-batys aralyndaǵy elektr jelileriniń úzilýine baılanysty qazir 350 myńǵa jýyq úı jaryqsyz otyr.
Qazirgi ýaqytta "Haıshen" taıfýny Japonııadan Koreı túbegine 40 km/saǵ jyldamdyqpen jyljýda, epısentrdegi jeldiń jyldamdyǵy 60 m/s-qa jetedi. Daýyl saldarynan Japonııanyń ońtústik-batysyna dúısenbi kúni 200 mm-den astam jaýyn-shashyn túsedi dep kútilýde.
Premer-Mınıstr Sındzo Abe jeksenbide Úkimettiń shuǵyl otyrysyn ótkizdi. Onda ol jergilikti halyqty qorǵaý úshin qajet nárseniń bárin jasaýdy tapsyrdy. Premer-Mınıstr keńsesi janynan tabıǵı apat saldaryn joıý jónindegi jumysqa tartylǵan tıisti mınıstrlikter men vedomstvolardyń qyzmetin úılestiretin daǵdarys shtaby quryldy.
