Oljas Tóleýov aqsha-nesıe saıasaty, makroekonomıka, ekonomıkalyq-matematıkalyq modeldeý jáne t.b. máselelerge atsalysady. Oljas Tóleýov Ál-Farabı atyndaǵy Qazaq ulttyq ýnıversıtetiniń ekonomıka jáne bıznes joǵary mektebin bitirgen. Sonymen qatar ol – Qazaqstan Respýblıkasy Ulttyq bankiniń magıstri. Výsong ýnıversıtetiniń (Koreıa) Solbridge bıznes mektebinde, Reseıdiń Ortalyq banki, Chehııa men Shveısarııanyń Ulttyq bankterinde, sondaı-aq BUU-nyń Azııa jáne Tynyq muhıtyna arnalǵan ekonomıkalyq jáne áleýmettik komıssııasynda (ESCAP) taǵylymdamadan ótip, bilimin jetildirgen.
Oljas Tóleýov ár jyldary AERC ǵylymı-keńes berý kompanııasynda jumys istedi. Osy ýaqyt ishinde ol bıznes-taldaýshy qyzmetinen basqarýshy dırektor laýazymyna deıin kóterilip, strategııalyq jáne kvazımemlekettik jobalar men baǵdarlamalardy ázirleýge qatysty. Osyǵan deıin ol Eńbek jáne halyqty áleýmettik qorǵaý mınıstrliginiń janyndaǵy "Eńbek resýrstaryn damytý ortalyǵy" AQ vıse-prezıdenti boldy.
