Oblystyq Sıfrlyq tehnologııalar basqarmasy habarlaǵandaı, Sıfrlyq damý jáne aeroǵarysh ónerkásibi mınıstrligi júzege asyrǵan "Talshyqty-optıkalyq baılanys jelileri tehnologııasyn qoldana otyryp, aýyldyq eldi mekenderge keńjolaqty qoljetimdilikti qamtamasyz etý" jobasy aıasynda Almaty oblysynda josparlanǵan 223 aýyldyń 182-sine talshyqty-optıkalyq baılanys jelileri jetkizildi. Bul 82%-dy quraıdy. Atqarylǵan júıeli jumys aldaǵy ýaqytta jalǵasyn tabady.
Qala men aýyl arasyndaǵy sıfrly alshaqtyqty azaıtý maqsatynda oblystyń eń shalǵaı aýdandaryna talshyqty-optıkalyq baılanys jelileri tartylýda. Máselen, ótken jyly oblystyń keń shekaralas Raıymbek aýdany, sondaı-aq shalǵaıdaǵy Balqash aýdany keńjolaqty ǵalamtorǵa qosyldy. Nátıjesinde, oblystyń 60 myńnan astam turǵyny zamanaýı sıfrly qyzmetterge, sonyń ishinde elektrondy memlekettik qyzmetterge, qashyqtan oqytýǵa qol jetkizdi.
Ǵalamtorǵa qatysty jedel sheshilgen máseleniń biri – mobıldi ınternet. Qazirgi ýaqytta oblystyń 572 aýyldyq eldi mekenniń mobıldi ınternetke qoljetimdiligi artyp otyr. Bul 78%-dy quraıdy.
Qazaqstandyq uıaly baılanys operatorlary men Sıfrlyq damý, ınnovasııa jáne aeroǵarysh ónerkásibi mınıstrligi arasynda jasalǵan memorandým sheńberinde aǵymdaǵy jyldyń sońyna deıin mobıldi ınternet taǵy 84 aýylǵa tartylyp, kórsetkish 89%-ǵa jetedi dep josparlanýda. Nátıjesinde, oblystyń 656 aýyly mobıldi ınternetpen qamtylatyn bolady.
Osy maqsatta oblystyń sıfrlyq tehnologııalar basqarmasy memorandým jasady. Ol uıaly baılanys operatorlarynyń jabdyqtaryn ornalastyrý úshin bir mezgilde syrtqy jaryqtandyrý tirekteri men negizgi tirekteri retinde qyzmet etetin kópfýnksıonaldy qurylymdardy ornatýdy kózdeıdi. Osy kelisim sheńberinde oblystyń eldi mekenderinde eki maqsatty 11 qurylymdar iske asyrylady. Sonyń ishinde Jambyl, Eskeldi, Talǵar, Panfılov, Uıǵyr, Qarasaı, Ile aýdandary men Qapshaǵaı qalasyndaǵy birqatar aýyl qarastyrylǵan.
Oblystyń ár óńirine qosymsha kópfýnksıonaldy qurylymdardy ornatý qajettiligin anyqtaý boıynsha júıeli jumys jalǵasýda. Bul qazirgi tańdaǵy qashyqtan oqytý jaǵdaıy úshin asa mańyzdy.
