Bıylǵy 8 aıdyń qorytyndysy boıynsha jalpy aýyl sharýashylyǵy óniminiń kólemi 4,9%-ǵa ulǵaıyp, 2,4 trln teńgeni qurady. Bul ósim negizinen ósimdik sharýashylyǵyndaǵy óndiris kóleminiń 10,7%-ǵa ulǵaıýy esebinen qamtamasyz etildi. Oblystar bólinisinde 3 oblysta respýblıkalyq deńgeıden joǵary qarqyn baıqaldy (Aqmola oblysy – 119,2%, Soltústik Qazaqstan oblysy – 110,9% jáne Qostanaı oblysy – 105,8%).
Mınıstr atap ótkendeı, bıylǵy egin jınaý qarqyny ótken jylǵa qaraǵanda joǵary. Máselen, búgingi tańda respýblıka boıynsha dándi jáne dándi-burshaqty daqyldardyń shamamen 11,1 mln ga alqaby nemese jınalýǵa tıis alqaptyń 70,2%-y jınaldy, al ótken jyly osy kezeńde 5,3 mln ga nemese jınalýǵa tıis alqaptyń 34,8%-ynda egin jınalǵan bolatyn. Ortasha túsimdiligi gektaryna 11,7 sentnerden 13 mln tonna astyq bastyryldy.
"Mal sharýashylyǵy óniminiń jalpy kólemi kórsetilgen kezeńde 2,7%-ǵa ulǵaıyp, 1,6 trln teńgeni qurady. Bul rette tirideı salmaqtaǵy et óndirý kólemi 3,7%-ǵa, sút 3%-ǵa ulǵaıdy", — dedi mınıstr.
Kórsetilgen merzimde tamaq ónimderin óndirý kólemi 3,6%-ǵa ósip, 1 229,3 mlrd teńgeni qurady. Atap aıtqanda, óńdelgen kúrish óndirý kóleminiń 61,1%-ǵa, shujyq ónimderiniń 22,8%-ǵa, sary maıdyń 12,9%-ǵa, qus etiniń 12,3%-ǵa, jarmanyń 12,2%-ǵa, makaronnyń 8,4%-ǵa, unnyń 6,4%-ǵa, qyshqyl sút ónimderiniń 4,7%-ǵa, ósimdik maıynyń 1,8%-ǵa artqany baıqaldy.
"Aýyl sharýashylyǵynyń negizgi kapıtalyna salynǵan ınvestısııalar 9,1%-ǵa ulǵaıyp, 292 mlrd teńgeni, tamaq ónimderi óndirisine salynǵan ınvestısııalar 25,4%-ǵa artyp, 54,7 mlrd teńgeni qurady", — dep túıindedi S. Omarov.
