Qazaqstan Respýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń 2020 jylǵy 3 qyrkúıektegi sheshimine sáıkes, Densaýlyq saqtaý mınıstrliginiń usynymdaryn, epıdemıologııalyq jaǵdaıdyń deńgeıin eskere otyryp, Dúnıejúzilik densaýlyq saqtaý uıymynyń (DDSU) kartasyna sáıkes 2020 jylǵy 20 qyrkúıekten bastap Qyrǵyzstanǵa halyqaralyq reıster qaıta jańartylady.
Qazaqstan men Qyrǵyzstan arasyndaǵy reıster "Eır Astana" áýe kompanııasymen Almaty – Bishkek baǵyty boıynsha aptasyna 2 reıs jıilikpen júzege asyrylady (seısenbi, jeksenbi).
Reıster sanıtarlyq-epıdemııalyq talaptardy (termometrııa, áleýmettik dıstansııa, betperde rejimi jáne t.b.) qatań saqtaı otyryp oryndalatyn bolady.
