Básekelestikti damytýdyń ulttyq jobasy ázirlenedi

Serik Jumanǵarın Prezıdent Qasym-Jomart Toqaevty jańadan qurylǵan Básekelestikti qorǵaý jáne damytý agenttiginiń aldaǵy jumys jos­parymen tanystyrdy. 

Prezıdentke elimizdegi básekeles­­tikti damytý, oǵan qolaıly jaǵdaı ja­­saý jáne ulttyq ıdeıa retinde qabyl­­­daý maqsatynda atqarylatyn is-sha­­­ralar týraly baıandaldy. Osy maq­­satta barlyq salalar men aımaq­tar­dy qamtıtyn básekelestikti damytý jó­ninde Ulttyq joba ázir­le­nedi. Salalyq jáne aımaqtyq báse­ke­les­tik talaptary jasalady.

Agenttik tóraǵasy Memleket basshysyna jańa qurylymnyń qyzmetin uıymdastyrý jospary týraly aıtty. Ásirese tutynýshylardyń talabyn qana­ǵattandyrý, ekonomıkanyń turaqty ósimi men damýyn qamtamasyz etý, naryq sýbektileriniń ekonomıkalyq tıimdiligi men básekege qabilettiligin arttyrýǵa basymdyq berilmek.

Prezıdent halyqaralyq naryqtaǵy ozyq tájirıbelerdi basshylyqqa ala otyryp, Qazaqstanda durys báse­ke­lestik qalyptastyrý mańyzdy ekenin atap ótti.

Kezdesý sońynda Qasym-Jomart Toqaev Agenttik basshysyna Qa­zaq­stan halqyna arnaǵan Joldaý­yn­­daǵy básekelestikti qorǵaý jáne eko­no­mı­kanyń tıimdiligin arttyrýǵa baǵyt­talǵan tapsyrmalardy oryn­daýdyń mańyzdylyǵyna toqtaldy. Joldaý júktegen mindetterdi oryndaý boıynsha birqatar naqty tapsyrma berdi.