Qarýly Kúshterdiń Ulttyq áskerı-patrıottyq ortalyǵynda "Jas sarbaz" áskerı-patrıottyq qozǵalysynyń astanalyq fılıalynyń tárbıelenýshileri Parlament Májilisiniń depýtaty, Halyq Qaharmany, general-leıtenant Baqytjan Ertaevpen kezdesti.
Jas patrıottar zamanaýı qazaqstandyq armııa, áskerı qyzmet jáne áskerı qyzmetshi mamandyǵy týraly bildi. Qonaqtar patrıotızm, batyldyq, áskerı boryshqa adaldyq sııaqty uǵymdar týraly aıtty. Áńgimeden oqýshylar Qarýly Kúshterdiń qurylý tarıhy men qazirgi jaǵdaıynan habardar boldy.
"Otanǵa qyzmet etý úshin qajyrly eńbek etý, patrıot bolý, óz betimen tynymsyz jumys isteý, kásibı sheberlikti arttyryp, jańa daǵdylardy ıgerý qajet. О́skeleń urpaqtyń boıynan elimizge degen patrıottyq sezim tabylýy kerek. Áskerge shaqyrylǵan jastar Otan aldyndaǵy boryshyn abyroımen atqaratynyna senimdimin", - deıdi Baqytjan Ertaev.
Balalar beıresmı áńgimege belsendi qatysyp, ózderin qyzyqtyrǵan suraqtaryn qoıdy.
"Elimizge tanymal adamdardyń ómir tarıhyn bilý men úshin óte qyzyq. Biz úshin olar elimizdiń damýyna óz úlesin qosa alatyn qajyrly eńbeginiń arqasynda kez kelgen adamnyń tabysqa qol jetkize alatyndyǵynyń mysaly bolyp tabylady", – deıdi "Jas sarbaz" tárbıelenýshisi Madına Baýyrjanqyzy.
Is-shara sońynda Halyq qaharmanyna "Jas sarbaz" jasóspirimder áskerı-patrıottyq qozǵalysynyń "Qurmetti múshesi" belgisi tabystaldy.
"Erlik sabaqtary" qazaqstandyq oqýshylar úshin turaqty negizde ótkiziledi. О́tken jyldan bastap "Jas sarbaz" tárbıelenýshileri úshin olar elimizdiń damýyna úles qosqan kórnekti tulǵalarmen tikeleı kezdesýler formatynda uıymdastyrylady. Buǵan deıin jas patrıottar qazaqstandyq ǵaryshker, Halyq Qaharmany, avıasııa general-maıory Aıdyn Aıymbetov, sondaı-aq belgili sportshy, qoǵam qaıratkeri Ardaq Nazarovpen kezdesti.
Dástúrli "Erlik sabaǵy" sanıtarlyq-epıdemııalyq talaptardy saqtaı otyryp ótkizildi.
