Aımaqtar • 16 Qyrkúıek, 2020

Aqtóbe oblysynda 12 myńǵa jýyq jańa jumys orny qurylady

411 ret kórsetildi

Aqtóbe oblysynda "Jumyspen qamtýdyń jol kartasy-2020" baǵdarlamasy sheńberinde osy jyldyń sońyna deıin 11 myń 942 jańa jumys oryndary qurylady, dep habarlaıdy Egemen.kz

Onyń 11 myń 567-si ýaqytsha, 375-i turaqty jumys oryndary dep belgilendi. Negizinen maýsymdyq sıpatqa ıe ýaqytsha jumys oryndary eldi mekenderge bıýdjettik baǵdarlamalar boıynsha ınfraqurylymdar júrgizetin merdigerlik mekemelerde ashylyp jatyr. Jol jóndeý, aýzsý júrgizgende qubyr tóseý sııaqty kóbinese qol eńbegin qajet etetin jumystarǵa resmı tirkelgen jumyssyzdar shaqyrtylady. Ýaqytsha qurylǵan jumys oryndaryndaǵy azamattardyń eńbekaqysy 87 myń teńge dep belgilendi.

Egerde óńirde turaqty jumys oryndaryn qurý kidirissiz jumys istep turǵan nemese jańadan ashylatyn kásiporyndar  esebinen júzege asyrylatyn bolsa, onda kún tártibindegi másele − jergilikti naryqtyń suranysyn zertteý bolyp tur. Dál qazirgi jaǵdaıda áleýmettik baǵdarlamalardy úılestirýshi  jergilikti memlekettik organdar ekonomıkanyń salalary boıynsha mamandar suranysyn anyqtap otyrǵan joq. 

Ol úshin halyqty jumyspen qamtý mekemeleriniń qolynda jumyssyzdyq kartasy bolýy kerek. Onda jergilikti eńbek naryǵynda qandaı mamandyqtardyń suranysqa ıe ekendigi, qandaı mamandyqtarǵa qaıta daıarlaýdyń  qajettiligi, shaǵyn jáne orta kásipkerlik nysandarynyń ekonomıkalyq belsendilik deńgeıi dál kórsetilýi tıis. Osy maqsatta oblys ákimi Ońdasyn Orazalın Aqtóbe qalasy men 12 aýdan ákimderine jergilikti jerlerdiń erekshelikterin eskere otyryp, turaqty jumys oryndaryn qurýdyń  mehanızmerin ázirleýdi tapsyrdy.   

Aqtóbe oblysynyń Eńbek ınspeksııasy jónindegi basqarma basshysy Salamat Amanbaevtyń aıtýynsha, osy jyldyń sońyna deıin óńirdegi barlyq kásiporyndar Eńbek jáne halyqty áleýmettik qorǵaý mınıstrliginiń arnaıy saıtyna tirkelýge mindetti. Osy merzimge deıin óńirdegi barlyq óndiristik mekemeler tirkelip bolsa, onda kelesi jyldan bastap jumys oryndarynyń ortaq bazasy jasaqtalyp, bos jumys oryndaryn anyqtaý men jańa jumys oryndaryn qurý eńbek naryǵyn taldap-zertteý arqyly iske asyrylatyn bolady.

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar