Zamanaýı úlgide boı kóteretin nysannyń qurylys jumystary bıyl qarasha aıynda bastalyp, 2021 jyldyń qazan aıynda paıdalanýǵa beriledi dep kútilýde.
"Batys Qytaı – Batys Eýropa" halyqaralyq kólik dálizi boıynda salynatyn memorıaldyq keshenniń jalpy aýmaǵy 5 gektardy quraıdy. Nysan kitaphana, kórme zaly, qonaq úı, ashana, konferens zaly, sport zaly, sportshylardyń kıim aýystyrýǵa, jýynýǵa arnalǵan jáne basqa da qajetti bólmelermen qamtylatyn bolady. Ǵımarattyń aýmaǵy jasyl-jelekpen abattandyrylyp, oryndyqtar men jaryqshamdar ornatylady. Sondaı-aq jobada balalarǵa arnalǵan oıyn alańshasy men avtoturaq ta qarastyrylǵan.
Aıta keteıik, sporttyń birneshe túrimen shuǵyldanýǵa laıyqty etip boı kóteretin keshen túrli deńgeıdegi jarystardy ótkizýge de yńǵaıly bolmaq.
