Bul rette elimizdiń úshinshi úlken shahary – Shymkentte COVID-19 jáne vırýstyq pnevmonııanyń yqtımal órshýine medısınalyq uıymdardyń daıyndyǵyn anyqtaý boıynsha oqý-jattyǵý ótti. Ondaǵy maqsat – qalanyń barlyq medısınalyq uıymdarynyń koronavırýstyq ınfeksııamen kúreske daıyndyǵyn barynsha pysyqtaý.
Is-sharaǵa ınfeksııalyq jáne provızorlyq stasıonarlarmen qatar menshik nysanyna qaramastan, barlyq bastapqy medısınalyq sanıtarlyq kómek (BMSK) uıymdary qatysty. Oqý-jattyǵý jumystaryna 36 BMSK uıymy, 9 dıagnostıkalyq ortalyq, 7 PTR zerthanasy jumyldyryldy. «Asar» shaǵyn aýdanyndaǵy qalalyq juqpaly aýrýlar ortalyǵynda ótken oqý-jattyǵý barysynda naýqastyń shaqyrtýynyń «103» pýltine túsken sátinen bastap, tıisti belgileri bolǵan jaǵdaıda stasıonarǵa jatqyzýǵa deıingi baǵytynyń algorıtmine basa nazar aýdaryldy.
«Dəri-dərmek tolyq qamtamasyz etilgen. Ottegi apparattary jetkilikti. Al búgingi oqý-jattyǵý – boljamdy tolqynǵa daıyndyq. Munyń mańyzy zor», deıdi qalalyq juqpaly aýrýlar ortalyǵynyń aǵa dərigeri Shyrymbek Bekenuly.
Sondaı-aq Shymkent qalalyq №3 emhanasynda da koronavırýs pandemııasyna qarsy oqý-jattyǵý jumystary júrgizildi. Oqý-jattyǵý barysynda emhanaǵa kelip túsken shaqyrtý qabyldandy. Shaqyrtý túskennen keıin naýqastyń úıine dárigerler men feldsherler baryp, onyń hal-jaǵdaıyn tolyqqandy tekserip, medısınalyq kómek kórsetti. Tekserý kezinde naýqasqa qosymsha dıagnostıkalyq kómek kerek bolǵandyqtan «Medıker» ortalyǵyna aparyp, kompıýterlik tomografııaǵa túsirdi.
Mamandardyń boljaýy boıynsha, indettiń ekinshi tolqyny bolýy yqtımal. Sondyqtan da osy dertke medısına mamandary tótep bere bilýi kerek. Osy maqsatta qalada ınfeksııalyq jáne provızorlyq stasıonarlarmen qatar menshik nysanyna qaramastan, barlyq BSMK arasynda búgin oqý-jattyǵý sharalary bastaldy. Oqý-jattyǵý sharasy aıasynda Shymkent qalasy ákiminiń birinshi orynbasary Shyńǵys Muqan «112» qutqarý qyzmetiniń jumysymen tanysyp, mamandarǵa tabys tiledi.
Osy oraıda aıta ketsek, eger naýqastyń ókpe qabyný deńgeıi 15 paıyzdan joǵary bolsa, «Atameken» medısınalyq ortalyǵyna jetkiziledi. Shymkent qalalyq densaýlyq saqtaý basqarmasy basshysynyń orynbasary Aıgúl Jaqypqyzynyń aıtýynsha, «Atameken» provızorly stasıonaryna orta dárejeli naýqastar túsedi. Naýqas entigý halinde tússe, provızorly ortalyqtaǵy qyzyl jolaqpen palataǵa jetkiziledi. Eger ózi tynys ala alatyn bolsa, sary jolaqpen júrgizilip, analızi tolyq alynyp, palataǵa jaıǵastyrylady.
Oqý-jattyǵý barysynda Shymkent qalalyq №3 emhanasynyń bas dárigeri Aqmaral Ýalıhanqyzy emhanaǵa kúndelikti shaqyrtýlar túsetinin, bul shaqyrtýlar avtomatty túrde 4 kategorııaǵa bólinetinin jetkizdi. Arnaıy jattyǵý kezinde medısına qyzmetkerine naýqastardyń jaı-kúıiniń aýyrlyǵyn anyqtaý, koronavırýstyq ınfeksııa kezinde saqtaný sharalary boıynsha baǵalaý júrgizilip, provızorlyq stasıonarǵa tasymaldaý joldary kórsetildi. Sonymen qatar oqý-jattyǵý barysynda emhanalardyń janynan qurylǵan mobıldi toptardyń is-áreketteri de túsindirildi. Olardyń qajet bolǵan jaǵdaıda pasıentti kompıýterlik tomografııany tekserýge jiberý, PTR taldaýdy alý boıynsha daıyndyq jumystary júrgizildi.
ShYMKENT
