Ońtústik Qytaı teńizinde paıda bolǵan "Noýl" tropıkalyq daýyly osy jumada Taılandtyń soltústik-shyǵysyna jetip, iri taıfýnǵa aınalýy múmkin.
"Joıqyn daýyl batysqa qaraı shamamen 20 km/saǵ jyldamdyqpen qozǵalýda. Ol taıfýnǵa aınalyp, Vetnamnyń ortalyq bóligine jetedi degen boljamdar bar. Sóıtip daýyl Taılandtyń soltústik-shyǵysyna qaraı 18 ben 20 qyrkúıek aralyǵynda aýysady", delingen habarlamada.
Meteorologııalyq basqarmanyń aıtýynsha, qatty jelmen aralas nóser jańbyr jaýady. Ásirese bul jaǵdaı patshalyqtyń soltústik-shyǵysynda ornalasqan turǵyndar úshin asa qaýipti ekenin jetkizdi. Sonymen qatar porttaǵy kemelerdiń alys jolǵa shyqpaýlaryn eskertedi.
