Aımaqtar • 22 Qyrkúıek, 2020

Mańǵystaý oblysynda 2021 jyly eki baǵytta aqyly jol iske qosylady

660 ret

kórsetildi

1 mın

oqý úshin

Bul týraly oblystyq qoǵamdyq kommýnıkasııa ortalyǵy habarlaıdy. "QazAvtoJol" ulttyq kompanııasy» aksıonerlik qoǵamy Mańǵystaý oblysy fılıalynyń dırektory Aıbek Ánýarbekovtyń málimetinshe, keler jyldan bastap, 661 shaqyrym joldy aqyly etý josparlanyp otyr. Onyń birinshi baǵyty “Aqtaý-Beıneý”. Ekinshi baǵyt “Dossor-Beıneý-Aqjigit-О́zbekstan shekarasy”. Osy baǵyt boıynsha tek aýyr júk kólikteri aqy tóleıdi. Kólik dáliziniń táýliktik qarqyndylyǵy 2500 avtokólik, dep habarlaıdy Egemen.kz

Gúlaıym DÁÝITBAI

Mańǵystaý oblysynda 2021 jyly eki baǵytta aqyly jol iske qosylady

-Atalǵan joldarda 9 stasıonarlyq pýnkt bolady jáne 2 klıenttermen jumys atqarý ortalyǵy bolady. 9 stasıonarlyq pýnktte foto, vıdeo júrgizilip, ortalyqqa jiberiletin bolady, dedi Aıbek Ánýarbekov.

Budan bólek, 2022 jyly “Jetibaı-Jańaózen” baǵytyndaǵy avtokólik joly jolaýshylarǵa aqyly qyzmet kórsetedi dep josparlanǵan. Mamandardyń aıtýynsha, bul baǵyttaǵy avtojol barlyq kólik túrlerine aqyly.

Jyl sońynda ótetin qoǵamdyq tyńdaý kezinde aqyly joldarmen júrip ótkeni úshin qansha teńge kóleminde aqy tóleıtini belgili bolady.

Mańǵystaý oblysy