Qoǵam • 23 Qyrkúıek, 2020

Mınıstrler men ákimder "praımerız" júıesine tirkeldi

15 ret kórsetildi

"Nur Otan" partııasynyń jalpyrespýblıkalyq ishki saılaýynda daýys berýge sanaýly kúnder qaldy. Partııanyń baspasóz qyzmeti habarlaǵandaı, Elbasy Nursultan Nazarbaevtan keıin barlyq mınıstrler men óńirlerdiń ákimderi de "praımerız" aqparattyq júıesinde avtorızasııalaý rásiminen ótti, dep habarlaıdy Egemen.kz.

Buǵan deıin aıtylǵandaı, el tarıhynda alǵash ret daýys berý elektrondyq túrde ótedi. Partııa músheleri túrli formattardy – mobıldi qosymshany, primaries.kz veb-portalyn, ýchaskede onlaın-daýys berýdiń birin tańdaı alady. Sondaı-aq Internetke qol jetimdiligi joq aýdandarda bıýlleten arqyly daýys berýge bolady.

Saılaý prosesiniń ashyqtyǵyn qamtamasyz etý úshin "bir daýys, bir JSN, bir mobıldi nómir jáne bir IP-adres" qaǵıdaty boıynsha arnaıy verıfıkasııa júıesi qoldanyldy. Daýys berýge eki ret qatysý múmkin emes. Bul jaǵdaıda saılaýshy birden birneshe kandıdatqa daýys bere alady.

Búginge deıin júıege partııanyń 700 myńǵa jýyq múshesi tirkelgen.

Partııa hatshysy Álibek Áldeneıdiń aıtýynsha, partııaishilik irikteý "Nur Otan"-ǵa jańa adamdardyń kelýine birden-bir sebepker boldy. Tamyz aıynyń ózinde 25 myń adam partııa qataryna qabyldanǵan.

"11 qyrkúıek pen 4 qazan aralyǵynda "Nur Otan" partııasyna múshelikke qabyldaý ýaqytsha toqtatyldy. Bul – partııaishilik irikteýde "óz" kandıdattaryna daýys bergizý úshin azamattardy partııaǵa kirýge májbúrleý faktileri jaıly shaǵymdardyń jıileýine baılanysty qabyldanǵan sheshim. Árıne, biz "Nur Otan" partııasynyń qatary jańa adamdarmen tolyqqanyna múddelimiz. О́ıtkeni partııa quramynyń kásibı mamandarmen jańaryp otyrýy asa mańyzdy. Alaıda partııa qataryna qosylý árbir azamattyń sanaly túrde, óz qalaýymen júzege asýy tıis.

Partııaǵa qabyldaýdy ýaqytsha toqtatý sheshimi shyqqanǵa deıin 17,3 myń ótinish kelip túskenin aıta ketý kerek. Onyń ishinde 16,2 myń adam "Nur Otan" partııasyna qabyldandy. Al 1,1 myńǵa jýyq ótinish maquldanbady. Onyń ártúrli sebebi bar. Máselen, usynymdardyń bolmaýy men baǵdarlamalyq qujattardy bilmeý, tipti májbúrleý faktilerine deıin jiti zerdelendi. Partııa óz quramyn qoldan kóbeıtýge úzildi-kesildi qarsy. Kerisinshe, sońǵy ýaqytta partııamen baılanysty úzgen, qoǵamdyq belsendiligi tómen jáne basqa da sebeptermen "Nur Otan"-nyń quramynan partııalastar shyǵaryldy", - dedi Álibek Áldeneı.

Onyń aıtýynsha, osylaısha partııaishilik irikteý kezinde "Nur Otan" qataryna 41,2 myńǵa jýyq azamat qabyldanǵan. "Nur Otan" Hatshysy partııa qataryn jaqynda tolyqtyrǵandarǵa 1-3 qazan aralyǵynda onlaın-daýys berýge qatysý úshin tezdetip Primaries.kz portalynda tirkeýden ótýge keńes berdi.

Aıta keteıik, praımerızdiń basty maqsaty – aldaǵy Májilis pen barlyq deńgeıdegi máslıhattar saılaýyna partııalyq tizimderge engizý úshin qoǵamnyń senimi men qoldaýyna ıe bolǵan bedeldi partııa kóshbasshylaryn anyqtaý.

Tirkeý nátıjesi boıysha partııaishilik irikteýge 11 myńǵa jýyq úmitker qatysýda. Elimiz boıynsha orta eseppen bir orynǵa tórt adam úmitker bolyp otyr. Kandıdattardyń 70%-y ózin-ózi usynǵandar, al myńǵa jýyǵy – partııanyń jańa músheleri. 37%-y – áıelder, 29%-y – 35 jasqa deıingi jastar. Qatysýshylardyń ortasha jasy – 43 jas.

7 qyrkúıekten bastap praımerızge qatysýshylar 817 myńnan astam adamdy tikeleı qamtı otyryp, 36 myńnan asa úgit-nasıhat is-sharasyn ótkizdi. 14 qyrkúıekten bastap onlaın-formatta jarııa pikirsaıystar bastaldy. Onda qatysýshylar naqty eldi mekenderdiń túıindi máselelerin sheshý jónindegi óz paıymdaryn ortaǵa saldy. Birneshe kúnniń ishinde 11 myńnan asa talap-tilekter men usynys jınaldy

Kandıdattardyń reıtıngisi bar praımerızdiń qorytyndysy 5 qazanda jarııalanady dep kútilýde.

Sońǵy jańalyqtar

2002 adam koronavırýstan emdelip shyqty

Koronavırýs • Búgin, 09:32

Dollar qaıtadan arzandaı bastady

Qarjy • Búgin, 09:22

Saryala qazdyń qańqyly estildi

Rýhanııat • Búgin, 08:51

Shyǵyrshyqtar jeńiske shaqyrady

Oqıǵa • Búgin, 08:50

Aqmolalyqtar Aqkólge qarap boı túzeıdi

Tehnologııa • Búgin, 08:40

Qor naryǵy qymbattady

Álem • Búgin, 08:33

La-Sýfrıer janartaýy oıandy

Álem • Búgin, 08:30

Baba amanatyna adaldyq

Rýhanııat • Búgin, 08:07

Medıatorlar qatary qalyńdaı túsedi

Qoǵam • Búgin, 08:05

Balýannyń alǵashqy altyny

Kúres • Búgin, 08:02

Nannyń qadir-qasıetin umytpaıyq

Qoǵam • Búgin, 08:01

PSJ ese qaıtardy

Fýtbol • Búgin, 07:59

Jarysty jeńispen bastady

Boks • Búgin, 07:56

Jaqaevtyń taqııasy

Rýhanııat • Búgin, 07:47

Shilikti aýylyn sý basty

Aımaqtar • Búgin, 07:44

Ekpe alý pýnkti meshitte de ashyldy

Qoǵam • Búgin, 07:35

Ever Given Mysyrda qaldy

Álem • Búgin, 07:28

Jer týraly zań Senatqa joldandy

Parlament • Búgin, 07:22

Baı men kedeıdiń arasy alshaqtap barady

Ekonomıka • Búgin, 07:15

SQO-da úshem dúnıege keldi

Aımaqtar • Keshe

Almatyda epıdahýal máz emes

Aımaqtar • Keshe

Uqsas jańalyqtar