«Inder aýdandyq polısııa bólimi men Tótenshe jaǵdaılar departamentiniń qyzmetkerleri, sondaı-aq, týystary jumyldyryldy. Atyraý oblysynyń aýmaǵy men kórshiles oblystyń aýdandaryna aqparattar jiberilip, is-sharalary uıymdastyryldy. Alaıda búginge deıin nátıje bolmady. Soǵan qaramastan, izdestirý sharalary toqtatylmady. Izdestirý jumystaryn oblystyq polısııa departamentiniń bastyǵy Qamza Úmbetqalıev baqylaýyna aldy. Búgin, 24 qyrkúıekte joǵalyp ketken KamAZ kóliginiń júrgizýshisi Inder aýdanyndaǵy «Kók at» sharýa qojalyǵy ornalasqan ýchaskege taıaý mańnan aman-esen tabyldy» dep habarlady oblystyq polısııa departamentiniń baspasóz qyzmeti.