Jazýshynyń uly Dáýlet Áshimhannyń muryndyq bolýymen bastalǵan ıgi iske Katonqaraǵaı aýdanynyń birqatar kásipkeri qoldaý kórsetken.
– Erteńgi urpaq bilip júrsin degen nıette týǵan jerine ákemniń músinin qoıýdy jón kórdim. Sóıtip Álibek Asqarov aǵamyzben aqyldasa kele iske kiristik. Qoldaý kórsetken jerles aǵaıyndarǵa raqmet, – deıdi jazýshynyń uly Dáýlet Dıdahmetuly.
Jazýshy ári sýretshi Álibek Asqarov músinniń jasalýyna ıdeıa qosyp, basy-qasynda júrgen. Al músinniń avtory Rınat Ábenov alty aı ishinde qalamgerdiń keskin-kelbetin aınytpaı keltirgen eken. Tuǵyryna jazýshynyń aty-jónimen qatar, ómirlik urany bolyp ketken avtorlyq óleń joldary da qashalypty:
О́mirdi súıgen, adamdy súıgen júrekpen,
Qalammen mynaý qaǵazǵa talaı gúl ekkem.
Qazaqtyń janyn qazaqtyń qara sózimen,
Bozala tańnan "Taltúske" deıin jyr etkem.
Iá, Dıdahmet Áshimhan qazaqtyń joǵyn joqtaǵan jazýshy. "Sary samaýyr", "Jer ańsaǵan saryatan", "Tasqala", "Jyndy jel" syndy shyǵarmalary ult múddesi úshin jazylǵan edi.
